TATA IBADAH PANJAGITON MULAK ANGGOTA NA HONA RUHUT PARMAHANION DI GKPA (TATA IBADAH PENERIMAAN KEMBALI JEMAAT YANG KENA HUKUM SIASAT GEREJA DI GKPA)

TATA IBADAH PANJAGITON MULAK ANGGOTA NA HONA RUHUT

PARMAHANION DI GKPA

(TATA IBADAH PENERIMAAN KEMBALI JEMAAT YANG KENA HUKUM SIASAT GEREJA DI GKPA)

1.        E N D E    :                           ( Jongjong ma tu jolo na giot jagiton mulak tu Parlagutan i)

2.                  SIPAINGOT     :         Hamu dongan na nihaholongan ni Debata ! Jagiton ma hamu mulak gabe mas na gok di Parlagutan on.

Anso tangkas di hamu, tongtong do diparhagiot Debata hamubaan ni roha ni jolma sian pangalaosionna. Jop do roha ni Debata muda madung ditanda jolma i dosana, dibaen didok Debata do : "Nada jop rohangKu mida hamatean ni parjahat i, dipauba ma nian rohana anso mangolu ibana \ (Jeheskiel 33 : 11). Saonnari na giot begeon ni Parlagutan on ma panyolsolion dohot hamubaan ni rohamunu di jolo ni Debata di adopan ni Parlagutan on. Antong na manyapai ma au saonnari di hamu :

1.                   Dihaporsayai rohamu do baso asi ni roha ni Debata do na tongtong ungkap manjagit jolma pardosa na manyolsoli dosana ?

2.                   Diparhatutu hamu do dosamunu di jolo ni Debata dohot di jolo ni dongan na lagut dison, jana na manyolsoli do rohamunu hara ni pambaenanmunu na salpu i ?

3.                   Sian nasa rohamunu do mangidohon anso disesa Debata dosamunu jana dijagit hamu mulak tu Parlagutan ni Kristus, jana ra do hamu tu joloan on mamparangehon parange na denggan hombar tu tona ni Debata ?

Muda na dung sada rohamunu mangoloi sudena i dok hamu ma alusmu :

       Alus : Olo, sian nasa rohananami do mangidohon i.

3.        PANJAGITON:

Antong mangasahon gogo dohot holong ni roha ni Tuhan Jesus Kristus, na nipasahatNa tu Parlagutan i, nijagit ma hamu sadari on mulak tu Parlagutan ni Kristus i, anso parjambar hamu muse di Tuhan Jesus i dohot di sude pasu-pasu dohot asi ni roha ni Debata, jana parsidohot di pamunan na badia i. Sai hot ma rohamunu marhaporsayaan tu Ibana ro di hasusude ni bohalmunu. Sai jonggor ma hamu tu joloan on maralohon bisuk ni sibolis dohot roha sibuk dohot roha portibi on, anso ulang talu be hamu di pandugaan. Sai haholongi hamu ma Tuhan Jesus jana sai paingot-ingot hamu hataNa na denggan i, anso masuk hamu muse tu banua ginjang.

4.                  ENDE :

5.                  TANGIANG       :                   Martangiang ma hita !

Ale Tuhan Debata Amanami ! Tarimakasi ma rohanami tu Ho markitehite AnakMu Tuhan Jesus Kristus, dibaen na dung muba roha ni dongannami on jana mulak tu Ho. Jop situtu rohanami ala ni i. Asi ma rohaMu, mur panghilalahon ma godang ni holong ni rohaMu tu halahi, anso mur ringgas mangoloi hataMu. Sai patongtong ma roha ni halahi mandalani dalan tu hangoluan. Tapi gabe sipaingot ma i tu rohanami on sude dokdok ni na hona pincang sian joloMu dohot sian jolo ni Pariagutan anso hot hami sude dibagasan tanganMu jana partohap di hangoluan sogot. Amen.

6.        MANDOK HATA : 

                                                                                                                              ( Mangadop Pariagutan i ma na nijagit lalu didok ma hatana)

7.        E N D E    :                                                            (Mulak ma na manjagit i tu juguhanna)

rasenaha'18