Renungan hari ini: KAMU JUGA HARUS BERSAKSI

Renungan hari ini: 

KAMU JUGA HARUS BERSAKSI

Yohanes 15:26-27 (TB) "Jikalau Penghibur yang akan Kuutus dari Bapa datang, yaitu Roh Kebenaran yang keluar dari Bapa, Ia akan bersaksi tentang Aku. Tetapi kamu juga harus bersaksi, karena kamu dari semula bersama-sama dengan Aku" 

John 15:26-27 (NET) "When the Advocate comes, whom I will send you from the Father – the Spirit of truth who goes out from the Father – he will testify about me, and you also will testify, because you have been with me from the beginning” 

Sebagai orang percaya kita harus bersakasi. Sama seperti Roh Kudus yang telah bersaksi untuk Yesus. Roh Kudus adalah Roh Kebenaran. Dia akan bersaksi tentang Yesus, Putera Allah yang hidup, karena Dia adalah Roh Bapa dan Putera, yang adalah Satu. Roh Kebenaran akan berkata-kata tentang Yesus,  “tetapi kamu juga harus bersaksi, karena kamu dari semula bersama-sama dengan Aku”, tegas Yesus. Para murid mempunyai tugas yang sama seperti Roh Kudus. Karena apa? Karena para murid, kita semua, adalah milik Kristus, kita telah tinggal di dalam-Nya, dan secara istimewa para murid wajib bersaksi, karena dari semula bersama-sama dengan Aku. 

Lalu keistimewaan apa yang kita miliki, sehingga kita pun wajib mewartakan sabda dan bersaksi tentang Dia? Tentunya segala kebaikan yang telah kita terima daripada-Nya yang menantang kita untuk berani berbagi dengan sesama. Bukankah kita adalah orang-orang yang telah diangkat menjadi putera-puteri Bapa di surga? Bukankah berkat baptis kita ambil bagiannya dalam kematian dan kebangkitan-Nya? Bukankah rahmat penebusan telah kita terima, karena kita ambil bagian dalam kematian dan kebangkitan Kristus, yang memang mendahului kematian kita? Kita mendapatkan jaminan keselamatan oleh karena Kristus.

Apa yang dapat kita lakukan? Minimal mari kita mampu mengendalikan diri. Kemauan kita untuk mengendalikan diri adalah sebuah bukti nyata bahwa kita mengamini sabda dan kehendak Tuhan, yang dalam bahasa Paulus, kita membiarkan diri “dipimpin oleh Roh-Nya yang kudus” (Gal. 5: 25). Pengendalian diri adalah bentuk kesaksian yang amat mendasar, bukan dengan kata-kata yang indah, melainkan dengan sikap dan tindakan hidup. Pengendalian diri adalah usaha diri yang membiarkan Roh Kudus tinggal dalam diri kita, sekaligus bukti bahwa ada Roh Allah diam dalam diri kita.

“Masih banyak hal yang harus Kukatakan kepadamu, tetapi sekarang kamu belum dapat menanggungnya”.  Mengapa para murid tidak bisa menerima semuanya? Mengapa Yesus tidak menyempurnakan mereka semua? Segala-galanya ada waktunya. Kehadiran Yesus dalam sejarah manusia memang sekali lagi tidak mau memberontak melawan hukum alam. Lagi pula kehadiran Roh Kudus yang akan diutus-Nya adalah kehadiran-Nya sendiri. Itulah yang ditegaskan-Nya:  “tetapi apabila Ia datang, yaitu Roh Kebenaran, Ia akan memimpin kamu ke dalam seluruh kebenaran; sebab Ia tidak akan berkata-kata dari diri-Nya sendiri, tetapi segala sesuatu yang didengar-Nya itulah yang akan dikatakan-Nya dan Ia akan memberitakan kepadamu hal-hal yang akan datang”.  Roh-Nya yang kudus tidak akan berbicara dari diri-Nya sendiri, karena Dia adalah Roh Bapa dan Putera. Sebagaimana Yesus yang taat kepada Bapa, dan Dia hanya melakukan segala yang menjadi kehendak Dia yang mengutus-Nya, demikianlah Roh Kebenaran yang diutus-Nya itu. Roh kebenaran adalah Kehadiran Yesus sendiri yang tidak lagi terikat oleh ruang dan waktu.

“Ia akan memuliakan Aku, sebab Ia akan memberitakan kepadamu apa yang diterima-Nya dari pada-Ku.  Segala sesuatu yang Bapa punya, adalah Aku punya; sebab itu Aku berkata: Ia akan memberitakan kepadamu apa yang diterima-Nya dari pada-Ku”. Sebab memang Bapa dan Putera adalah Satu. Segala yang disampaikan Roh itu berasal dari Bapa dan Putera, dan dalam hal inilah Dia akan mempermuliakan Allah, karena Dia seperti sang Putera hanya melakukan segala kehendak Bapa. Karena itu, teruslah bersaksi demi Kristus hingga akhir hayat kita. (rsnh)

Selamat berkarya untuk TUHAN

PANINDANGION HAPORSEAON (KONFESI) GKPA (TOBA)

PANINDANGION HAPORSEAON

(KONFESI)

GEREJA KRISTEN PROTESTAN ANGKOLA

( G K P A )

KANTOR PUSAT-PUSAT PEMBINAAN GKPA

JL.TEUKU UMAR NO. 102

PADANGSIDIMPUAN, 22722

SUMATERA UTARA

www.gkpa-pusat.com

email: kp_gkpa@yahoo.com

PANINDANGION HAPORSEAON

K O N F E S S I

G K P A

HATA HUHUASI

PATUJOLO

LAPATAN, OJAHAN DOHOT TUJUAN NI KONFESSI

A.     LAPATAN

Konfesi lapatanna: “Panindangion Haporseaon”. Porlu do adong buku konfesi di Huria GEREJA KRISTEN ANGKOLA (GKPA) laho manyaksihon dohot patoguhoh haporseaonta, jala manulak angka poda haliluon.

Di Huria na parjolo adong do Panindangi Haporseaon Oikumene laho mangalo parpoda haliluon. Adong do surat Panindangion di hatiha ni Reformasi laho mangalo poda ni Katolik Roma. Songon on ma sai marpupu do ganop noli tubu poda haliluon, ulaon ni si bolis laho manggaori Huria i; sai tubu do angka Surat Panindangion laho manamparkon poda haliluon na imbaru tubu i.

Jadi ingkon tongtong do marpanindangi na imbaru Huria i laho mangalo angka poda haliluon na sai tubu di tingkina. Laho papitahon Huria di hatiha Reformasi, ndada holan panindangi na adong hian dipake nasida; ala asing do rumang dohot pangalaho ni poda haliluon na diadopan ni nasida uju i.

Ndada tola tarpodom Huria i holan maniop panindangi na adong diadopanta sambing. Ingkon na sai pararaton jala papitaon do di tingkina, mardomu tu hamajuon ni jaman.

Di luar Jerman timbul do angka poda haliluon na imbaru mamungka sian taon 1933. Uju i tarsunggul ma angka huria na di luat i, na mangkilalahon na so tumbuk be Panindangi Haporseaon na adong sipakeonna laho mangalo angka poda haliluon i.

Gabe dipatupa ma sada panindangi na imbaru, na margoar : ”Die Barmen Thesen” (31-5-1934).Holan panggomgomi ni Kristus i sajo do siauhononkon, jala sialoon do pangajarion ni jolma di parugamoon, songon na binahen ni si Hitler dohot angka dongan na.

Di negeri Bolanda pe marusaho do deba huria laho patupahon sada panindangi na imbaru na marojahan tu panindangi naung adong, alai marsora na imbaru, mardomu tu jaman modern on.

Marbingkas sian angka poda dohot pangalaho na ro manosak haKaristenonta di tingki on ingkon tubu ma di hita hagiot laho manulak jala manamparhon angka i.

Mardomu tu si di huria GKPA na tahaholongi on ingkon adong do panindangi Haporseaon na marisi poda na polin, hombar tu na tahatindangkon sian mulana. Ima na gabe hajongjongan dohot siihutkononta.

Laho patupahon panindangi haporseaon ni huriata on, on ma dasar pamikiranna :

1.              Haporseaon i do manubuhon panindangi, songon na nidok ni Rasul Paulus tu halak Korintus “na porsea do ahu, umbahen na huhatahon”; hami pe, na porsea do, umbahen na dohot hami mangkatahon (2Kor. 4:13).

2.              Ingkon manaksihon do huria maradopkon portibi on, songon na nidok ni Rasul Petrus: “Tontong ma hamu singkop mangalusi manang ise pe na manunghun hamu taringot tu arop ni roha na di bagasan hamu” jala ingkon singkop do hamu tontong laho mangalusi manang ise na manunghun hamu taringot tu pos ni rohamuna di angka na niarop ni roha muna sian Tuhan (1Ptr. 3:15). Laing songon i do di 1Timoteus 4:6: “Anggoi diapohon ho tu angka dongan, gabe tutu ma ho parhalado ni Kristus Jesus, mangkangoluhon hata haporseaon I dohot poda na uli na niihuthonmi”. Molo dijarkon ho sude nai tu angka dongan na porsea, gabe pangoloi na denggan ma ho mangula di Jesus Kristus. Jala ingkon pupuonmu do padenggan roham hombar tu hata ni Debata na tahaporseai i dohot angka pangajaran na sintong naung di hutkon ho saleleng na on”.

3.     Sipaingot do i maradopkon poda na mangaliluhon (Joh. 4:1-6)

4.     Diigil hasadaon di bagasan ngolu haKaristenon do hasadaon di panindangi haporseaon (Eps. 4:5; Joh. 17:21).

5.     Arga situtu do i muse siteanon ni pomparan ni huria i (5Musa 6:7)

Buku na badia i, i ma (Padan na Robi) dohot (Padan na Imbaru). I do na marisi hata ni Debata na nisuratkon ni Tondi Parbadia do na tarsurat di buku na badia i, na nidok ni Debata do i, ai ala ni Debata do i, na marhuaso jala marhagogo on.

Buku panindangi haporseaon on pe marhuaso jala marhagogoan do, ala na di uhal sian buku na badia do i. Tutu hata ni jolma do na manusunsa, alai na marojahan do i tu hata Debata (1Kor. 2:13; 2Tim. 13:16-17; 2Ptr. 1:19-21).

1.Ia buku panindangi haporseaon (konfesi) ni GKPA on hombar tu konfesi naung adong hian, i ma konfesi na tolu i, panindangi ni angka ama ni huria na parjolo i, angka na nigoaron :

1.1   Panindangi Apostolicum 

1.2   Panindangi Niceanum 

1.3   Panindangi Athan nasianum

2.Ia panindangi haporseaon on i ma :

2.1   pangibulan ni na tahaporsea i dohot na taarop di ngolunta on dohot di hangoluan sogot. 

2.2   Ojahan ni GKPA na gabe sipodahononkon, sihatindangkonon dohot sihangoluhononkon.

2.3   Ojahan ni GKPA laho manulak dohot mangolu sasude poda na asing dohot poda haliluon na maralo tu hata ni Debata.

B.     OJAHAN 

         Buku na Badia i  ima Padan na Robi dohot  Padan Na Imbaru i do na marisi Hata ni Debata na sinuratkon ni Tondi Parbadia do na tarsurat di Buku Na Badia I, na nidok ni Debata do I, ala hata ni Debata doi namarhuaso jala namarhagogoan. Buku panindangi haporseaon on pe marhuaso jala namarhagogoan do,  alana na niuhal sian buku na badia do i. Tutu hita jolma do namanusunna, ala i namarojahan si tutu do I tu hata ni Debata (1Kor. 2 :13; 2Tim. 13:16-17; 2Ptr. 1:19-21).

C.     TUJUAN

         Asa sude ruas ni huria mangantusi aha na ni haporseaonna asa sude ruas manulak naso hombar tu na ni haporseaonna huhut doi na gabe alat hasaksian, patoguhon haporseaon, sinjata laho manulak angka poda haliluon dohot muse asa lmr tu pitana pangajaran ni angka gareja. Patut do undukkononkon ni angka ruas ni huria i huasona i, di bagasan ias ni roha, jala di pamate panggora ni roha. Ingkon bebas do ganup ruas manangkasi panindangi haporseaon i. Molo adong jumpangsa disi na maralo manang na so hombar tu Hata Na Badia I, di hatahon ma i tu na manguluhon huria i.

BINDU 1

PANINDANGI TARINGOT TU DEBATA 

Taoku jala tahaporseai do:

Sada do Debata, na so marmula jala  na so marujung. Pargogo na so hatudosan, na so maruba, haposan, parbinoto na sun, na so hadodoan, paruhum na tigor, Parasi roha na sumurung, Pardenggan Basa, Ibana do manggohi langit dohot tano, Parroha na tigor na Badia situtu, Parholong roha, Ama na manangihon tangiang, Sipasingkop na hasea, jala Siparmahan. (5Musa 6:4; Jes. 44:6; 2Musa 3:14a;1Musa 17:1; Psl. 105:8; 2Tes. 4:3; Luk. 1:37; 5Musa 10:17; Rm. 2:11; 1Kor. 1:30; Psl. 103:8; Psl. 24:1; Jes. 6:3; Joh. 3:16; 1Tim. 6:15-16; Joh. 11:22; 16:23; Plp. 4:6-7; Psl. 23).

Marhite poda on tatulak do hasomalan na mandok: ”Ompung” tu Debata dibagasan panghilalaan na mangarajumi na holan pardenggan Basa do Debata, dohot roha na manghaposi na tarbaen do ro pasupasu sian somangot  ni “Ompu” songon na nihasomalhon  ni halak sipelebegu. Laing songon i muse na manjujur ari, na mangarunding dohot sian Holong ni  RohaNa. 

1.    Hadirion ni Debata

Taoku jala tahaporseai do:

Sada do Debatanta, jala na sitolusada do i, i ma Debata Ama, Debata Anak, dohot Debata Tondi Parbadia (Joh. 5:19; 14:11; 1:1; 15:26; 2Kor. 13:13; Mt. 28:19).

Na nitubuhon ni Ama I do Anakna sian hadirionna sandiri sian mula ni mulana ro di saleleng ni leleng na, mandok: “Asa ro ma Pangondian I sisuruonku sian Ama i tu hamu, i ma Tondi hasintongan i, na borhat sian Damang, I do na manghatindangkon taringot tu Ahu (Joh. 15:26 ).

Marhite poda on taalo jala tatulak do pangantusion, na mandok: “Holan sada do Debata dibagasan pangantusion  na mandok: “Ia hadirion  ni sitolusada i, I ma: Debata Ama, AnakNa Tuhan Jesus Kristus dohot Ina Tondi Parbadia”.

2. Ulaon ni Debata

Taoku jala tahaporsea i do:

1. Debata Ama do na manompa, manarihon dohot manggomgomi sude na tarida dohot na so haidaan pe. Marhite sian poda on tatalo jala tatulak do poda Fatalismus, i ma: takdir, suratan dohot bagian.
2. Debata Ama do gabe jolma, na nitubuhon ni Tondi Parbadia, na ni anakkon ni si Maria, na nigoaran Tuhan Jesus. Jadi gabe dua pangalaho jumpang di Ibana, i ma: Ha-DEBATA–on; ha–JOLMA-on dibagasan sada diri, na so boi sirangon. Debata situtu do Kristus, ala i laing jolma situtu muse. Na manaon partinaonan do Ibana di panguhuman ni si Latus, na nilabangkon di hau pinorsilang, laho paluahon hita sian dosa, sian hamatean, dohot sian gomgoman ni sibolis. Na gabe pelean na so tarsinsal do Ibana  bahen pardenggan tu Debata ala ni sude dosa ni hajolmaon. Na manuat do Ibana tu banua toru, dung ditanom, na mulak mangolu di ari patoluhon, manaek tu banua ginjang hundul di siamun ni Debata Jahowa, Amana i, na marhamonangon saleleng ni leleng na. Di banua  ginjang do Ibana mangondihon  hita, dohot mangomgommi sudena. Sahat tu na mulak Ibana muse tu tano on manguhumi na mangolu dohot na mate (Mt. 28:19; Eps. 1:20-22; 1:7; Joh. 3:19; Hbr. 9:14; Plp. 2:6- 11).

Marhitehite poda on tatulak do angka poda na mandok:

1. Na boi do ina ni Tuhan Jesus, na nidok na badia manangiangkon hita tu Debata.
2. Adong na tarbaen mamelehon Kristus 
3. Ndada adong jolma (Paus di tano on).

Dung i tatulak do pikiran ni jolma padoskon Tuhan Jesus dohot angka Nabi panurirang na adong di portibi on.

4. Debata Tondi Parbadia do na manjouhon dohot mangajari ruas ni Huria i, jala pahotkon di bagasan haporseaon dohot habadiaon marhitehite Barita Nauli I bahen hasangapon ni Debata (Rm.. 8:14-17; 1Kor. 3: 16. Patudos muse lapatan ni haporseaon bindu patoluhon).

Marhitehite poda on tatulak do angka poda na mandok: “Tarbaen do songgop Tondi Parbadia tu jolma marhitehite sian gogona sandiri, so pola marhitehite Barita na Uli I”. Laing songon i muse taalo jala tatulak do poda na mandok: Holan marhitehite nasiarsiaran dohot na marhata sileban do songgop Tondi Pabadia. Laing suang songoni muse taalo jala tatulak poda na mandok: “Ndada pola porlu marubat tu dokter angka na marsahit. Tuk ma molo martangiang ibana tu Tondi parbadia”. Tatulak jala taalo do na mambaen panurirangon gapgap, mangasahon Tondi Parbadia, parsaoran na solpu – solpu dohot matorbang tu  ala ni naung digohi Tondi Parbadia nasida (pandok ni nasida).

Sude sialoon jala situlahon, i ma angka: PODA MANGASAHON GOAR NI TONDI PARBADIA DI NA SO TURE DALANNA.

3. Hata ni Debata 

Taoku jala tahaporseai do:

Ia hata na tarsurat di Buku Na Badia i, i ma (Padan na Robi dohot Padan na Imbaru ) TUTU SITUTU DO I HATA NI DEBATA.

Dibahen ndada ni suratkon sian roharoha ni jolma, ala i na di bagasan ni panogunoguan ni Tondi Parbadia do na manuratkon i (1Ptr. 1:21).

“Sude surat na nanilehon ni Debata do i, jadi hasea do gabe poda, dohot pamincangon, dohot na padengganhon, dohot na mangajari di bagasan hatigoran. Asa sanggam halak ni Debata jala tumbuk tu sude pangulaon na denggan i” (2Tim. 3:16 –17).

Marhitehite on taondolkon do: Naung singkop do Surat Na Badia I papatarkon hadirion ni Debata dohot lomo naeng ni rohaNa, jala nunga singkop dipodahon si Surat Na Badia i sihaporseaon ni jolma, dalan parhitean tu hangoluan na saleleng ni leleng na (Pangk. 22:18-19).

Holan Surat Na Badia I do pamungkaan dohot hapaten ni sude pamikiron, parbinotoan dohot parkarejoan di bagasan Huria i, dohot didiri ni na porsea.

BINDU  2

TARINGOT TU SURUSURUAN

Taoku jala tahaporseai do:

Ia angka surusuruan: Na ditompa ni Debata do I, i ma Tondi Pangoloi di Ibana, na nisuruhon ala ni angka na naeng manean hangoluan sogot. ( Kol 1: 16; Ibr 1 : 14 ) jala muse laho mangurupi manang ise halak na naeng manjagit haluaan na nijanjihon ni Debata   ( Ibrani 1 : 7, 14 ).

BINDU  3

S  I B  O  L I  S

1. Hadirion ni sibolis

Taoku jala tahaporseai do :

Ia Sibolis: I ma na pargincat sian na ditompa ni Debata, tondi do i, na didabu sian banua ginjang ala ni ginjang ni rohana; naeng dos jala mangoloi Debata, jala gabeSibolis. Digoar do ia, Herub na dimiahan, Sinbolis, Rja ni hasiangan on, Parjahat, Raja Parhuaso di awing-awang, Sipanguji, Siparjahat, Naga jala Ulok ( 1 KOR 21 : 1’ Jes 14: 12;  

Hes 28: 14; Mt 4:1; Joh 12:31; 17: 15; Eps 2:2; 1 Tes 3:5; 1 Joh5:18; Hal 12:7,9 ).

2. Karejo ni Sibolis

Sai di halangi sibolis do angka na porsea i songon singa na mangaum-ngaum mangalului/ manjalahi manang ise bondutonna ( 1 Petrus 5:8 ). Ingkon aloon do sibolis i marhitehite haporseaon na togu jala mamake pakean ni Debata, asa tartaon jonjong mangolu angka bisuk ni sibolis i. (1 Ptr 5: 9; Eps 6:11-13; Jak 4;7 ). Alani i I ma jala mamoto ma hita di angka tahi dohot uti-utian ni sibolis.

BINDU  4

J  O L  M  A

1.Panompaon

Taoku jala tahaporseai do : Debata do na manompa langit dohot tano on. Ndada marumang do pe sudena i jala mamolgit do pangalahona. Dibagasan hataNia do manjadi sude na ni tompaNa, jala dibagasan onom ari Debata Ama manompa na sa jadi-jadianNa.  Ditompa Debata ma jolma I songon diriNa jala suman tuSia. Halaklahi dohot dadaboru jolma dijadihon Debata. Dipasupasu Debata do jolama I jala dipasahat tu jolma I laho mangarajai angka jadi-jadian ni Debata na asing i. ( Pamungkaan 1-2).

2. Mula ni dosa

Taoku jala tahorsayai do :

Sibolis I do mula ni dosa, jala diparsinta rohana asa sude jolma gabe pardosa, na marbalik sian Debata (Joh 8:44; Pamungkaan 3:1-17; Hal 20:10). Jadi haru pe denggan jolma na parjolo i, si Adam dohot si Hawa, ingkon patupahon loma ni roha ni Debata ala nipangela-ela ni sibolis I dilaosi halahi do tona ni Debata, gabe marbalik sian Debata. Ai pangalaosion ni Dosa i. ( 1Joh 3: 4).

3.Dosa Teanon

Taoku jan tahaporseai do : 

Dung madabu si Adam dohot si Hawa tu bagasan dosa,taripar do dosa i tu ude turunanna.

Laing alani i I do baen na sorang di bagasan dosa sude jolma manusia, jala laing dirajai dosa I sude jolma laho mangalaosi tona ni Debata. Ala ni dosa I do hona uhum jala dapotan hamatean saleleng ni leleng na. ( Masmur 51:7; 58:4; Pamungkaan 8: 21; Rom 5 : 12; 3:12-13; Tit 3:5; Joh 3:5; 6:63 ).

Marhitehite poda on taalo jala tatulak do pikiran na mandok, ndada mardosa dope anggo dakdanak na baru sorang.

BINDU  5

Haluaon Sian Dosa

1.Panghopkopon ni Kristus :

Taoku jala tahaporsea I do anggo ngoluon hum asi ni roha ni Debata di sude na jolma.Ndada dapot haluaan sian dosa molo holan mangasahon pambaenan na denggan dohot gogo songoni muse dohot pikiran. Ala i hum marhitehitejala di bagasan asi ni roha ni Debata do dibagasan panobuson ni Jesus Kristus. Ia dalan laho manjagit hasesaan ni dosa i, I ma marhitehite sian  haporseaon na nipatupa ni Tondi Porbadia, asa diauhon hasesaan ni dosa i na di parade ni Jesus Kristus di bagasan na manaluhon hamatean i. Haporseaon sisongon i do na dihalomohon ni Debata na gabe hatigoran di hita jolma (Joh. 3:16; Rm. 6:23; 1Kor. 15:22; 2Kor. 5:21).

2.Hamubaon ni roha/Ngolu na imbaru 

Dibagasan hamubaan ni roha na boi dohonon ngolu na imbaru, jolma na leleng i manang ngolu na leleng i dipaimbaru jala marganti tu jolma na imbaru dohot ngolu na imbaru. Tondi Porbadia do na mangalehon gogo jala na manguluhon jolma i tu hamubaon ni roha dohot marngolu na imbaru (Luk. 1:16-27;17:3; Ul.Ap. 5:3; 1Tes. 1:8-9; Hbr 6:1; Kol. 3:12-16).

BINDU 6

ULAON NA BADIA ( S A K R A M E N )

Taoku jala tahaporseaido:

Holan dua sajo do sakramen nanitonahon ni Tuhan Jesus sipatupaonta i ma: Pandidion Na Badia dohot Ulaon Na Badia.

I do na ditonahon Tuhan Jesus tu Huria, laho pasahatkon marhitehite tanda na tarida asi ni roha na so tarida, i ma  hasesaan ni dosa,  haluaon, hangoluan dohot hasonangan na nijalo marhitehite haporseaon (Mat. 28:19; Mrk. 16:15-16; Mat. 26:26-28; Mrk. 14:22-24; Luk. 22:17-20; 1Kor. 11:17-34 ).

Marhitehite sian poda on, ta alo jala tatulak do poda na mandok  Adong do pe Sakramen na asing sian na dua i.

A.Pandidion Na Badia :

Taoku jala tahaporseai do:

Ia pandidion Na Badia i parhitean ni asi ni roha ni Debata do i tu hita jolma, ai marhitehite pandidion i do sahat hasesaan ni dosa i tu na mangkaporseaisa, hatutubu padua nolihon, haluaan sian hamatean jala dapotan hasonangan na saleleng leleng na.

Marhitehitesian poda i tasaksihon do: Sipandidihononkon do dohot dakdanak na baru sorang: ai marhitehite sian i do ni pamasuk halahi tu huria ni angka na dihopkop ni Kristus, mardomu muse do i panjaloon ni Tuhan Jesus di angka dakdanak,

Laho mamasumasu nasida (Mrk.10,14; Luk.18:26). Tamba ni i ndada pola sai husopkononkon tu aek mandidihon (Ul. Ap. 2:41;10,48; 16:33; Rm. 6:3-4; 1Kor. 10:2; Tit. 3:5; Hbr. 11:29; 1Ptr. 3:21).

B. Ulaon Na Badia:

Ia Ulaon Na Badia i ma: Mangan roti parhitean ni pamatang ni Tuhan Jesus Kristus, dohot minum anggur parhitean ni mudarNa; asa tarjalo hita hasesaan ni dosa, hangoluan dohot hasonangan (1Kor. 11:17- 34; Mat. 26:26–28; Mrk. 14 : 22–24; Luk. 22:17–20).

Marhitehite sian on, taalo jala tatulak do poda na mandok: holan roti i do silehenon tu ruas ni huria i ndada dohot anggur i. Jala na ganop noli do sai dipelehon Tuhanta Jesus di bagasan na nipatupa Ulaon na Badia i. Ai songon on do pandok ni Tuhan Jesus di na parade Ibana Ulaon Na Badia i “Sude ma hamu minum sian on”. Laing i do diihutkon Huria na Parjolo i (1Kor. 11:24–25).

BINDU 7

ARI PARPUDI

. 

1. Haroro ni Jesus Kristus

Taoku jala tahaporseai do:

Na ro do Tuhan Jesus Kristus di ari na parpudi laho manungguli angka naung monding (Joh. 5:28; 1Tes. 4:16; Mat. 24:3; Luk. 21:28; Pang. 20:11-15 ), laho manguhumi nasa jolma (Mat. 25; 1Kor. 15:52; 2Kor. 5:10). Disi ma jouonNa angka na porsea laho manean hangoluan na saleleng ni leleng na (Mat. 25:41).

Ala i molo tu angka na so porseai didok Ibana ma dina paorot nasida: Lao ma hamu sian ahu, hamu angka na marjea, tu api na saleleng ni leleng na, na pinauli di sibolis dohot di surusuruanna” (Mat. 25:41). Hot ma disi jambar ni na porsea i dilambung ni Debata ro di saleleng ni leleng na (1Tes.  4:17).

Marhite poda on, taalo jala tatulak do poda na mandok: Na boi do bahenon ni jolma paretongan na manontuhon tingki haroro ni Kristus paduanolihon. Tambani i, tatulak dopoda na mandok: Ndang adong dope tingki parasian dung monding jolma i. Taalo jala tatulak do muse molo adong na mangoku ndada holan Tuhan Jesus Kristus panguhum na tigor i. Sandok taondolhon do: Di hatiha na so di ambang do haroroNa (1Tes. 5:2; Mat. 6:4,16), angka hata na tarpadongkoni (Mat. 12 :36).

2. Surgo dohot ngolu na manongtong 

Taoku jala tahaporseai do: Surgo i ma inganan ni Debata dohot inganan ni angka na porsea tu Ibana jala angka surusuruan marsomba tu Ibana (Ul.Ap.  26:15; Mat. 5:45; 6:9,20;7:21; Neh. 9:6; Mrk. 23:32). Debata do na na markuasa dohot na marharajaon disi. Surgo i ma inganan ni ngolu na manontong i marhite nadisuru Ia anakNa na sasadai, i ma Kristus tu portibi on. Alanai haluaon na nipatupa ni Tuhan Jesus Kristus, ngolu na manongtong dipasingkop Debata di hatiha masa Jerusalem na  imbaru, di naro Tuhan Jesus Paduanolihon (2 Ptr. 3:10-13; Pangk. 21: 1).

Mahite poda on, ta alo jala ta tulok do poda na mandok: Ndada adong surgo ngolu na manontong i; alani i pambaenanhu do umbaen na masuk au tu surgo, hujagit hangoluan na manongtong i.

BINDU 8

HURIA

Taoko jala tahaporseai do :

A. Ia huria i ma ni pinajongjong ni Tuhan Jesus Kristus do i gabe pardomuan ni angka halak na porsea di ibana, na jinouNa, dipapungupungu, na diparbadiaan jala dipatongtong ni Derbata marhitehite Tondi Parbadia (Mat. 16,18; 1Kor .1,2;  1Ptr. 2,9; Ef. 1,22; 1Kor. 3,16).

Marhitehite poda on ta alo jala tatulak do :

1. Huria (sada punguan) na pinajongjong ni jolma do i sian lomolomo dohot tahitahi ni rohana sandiri; na manirang dirina sian huria hian, so manang aha ala naung masa dihuria i poda na maralo manang na so hombar tu hata ni Debata .
2. Pikiran na mandok; Holan huaso uluan, angka rapot-rapot dohot hak ni ruas do na manggomgomi huria; ai holan Kristus do na marhuaso di huria, jala holan aturan na hombar tu hataNa do siihutkon . ndada DEMOKRASI na mangarajai huria ala i KRISTOKRASI do.
3. Pikiran na mandok; asan huria Negara huria i ai asing kewajiban dohot tugas ni Negara sian tohonan dohot tugas ni huria.
4. Pikiran na mandok: punguan namarondolkon dohot namarihot tu huria ala ni organisasi sajo.

B. Na badia do huria i.

Dalanna baen na nigoran huria i na badia, ndada anggo alani i habadiaon ni angka ruasna i sandiri, ala i alani i habadiaon ni Kristus, ulu i do, jadi gabe badia do huria i, alani i na ni parbadian ni Kristus, jala na di rajumi ni Debata do halahi na badia. Alani i habadiaon ni huria i do dibahen na digoaron bangso na badia, bagas ni Debata dohot joro ni Tondi Parbadia (1Ptr. 2:9; Ep. .2:22; Pang. 1:6; Ep. 3:21; 1Kor.  3:16 ).

Marhitehite sian poda on taalo jala ta tulak do poda na mandok: alani i ulaon dohot  pambaenanna sandiri do dapotsa habadiaon, laing i muse pandelean dohot parsirangan na masa, alani i adong ruas ni huria i diida na mambaen dosa .

C. Hatopan do huria i.

Ia huria hatopan i, ima huria ni naporsea, saroha atik pe satondi do halahi, angka naung parjambar di Tuhan Jesus Kristus dohot silehonlehonNa, ima Barita na Uli, Tondi Parbadia, haporseaon, haholongan dohot arop ni roha ima na ingkon na sian ganop luat songon bangso, marga dohot dila harupe marasing-asing ibadah dohot ruhutruhut na be (Ul.Ap..4:32; Pang. 7:9).

Marhitehitepoda on taalo jala tatulak do pangantusion; na mangarajumi huria i songon ugamo parbangsoan dohot na mamikiri na so adong do pardomuan ni huria on tu huria adu.

D. Adong huria, marojahan do i tu Epesus 4:4; 1Korintus 12:20, ai sada do pamatang i, i ma huria i. Godang saonnari goarna, ala i holan sada pamatang do i, asing sian hasadaon portibi na somal, ai hasadaon partondion do i ( Joh. 17:20-21 ).

Marhitehitesian poda on taalo jala tatulak do; nasa parsirangon na so marondolkon tu poda haporseaon, ala i holan marajohan tu ruhutruhut parduru sajo.

E. Tanda ni huria natutu :

Ia tanda ni huria natutu I ma ;

1. Molo polin dijamitahon  Barita na Uli i.
2. Molo sintong di padalan sakremen na dua i, songon na disuru ni Tuhan Jesus.
3. Molo dipadalan ruhut parmahanion-pamincangon laho mangambati angka dosa.

BINDU 9

PARKAREJO NI HURIA 

Taoku jala tahaporseai do:

Sude halak Kristen tarjou gabe saksi ni Kristus, laho mangulahon angka langgaman di tonga-tonga ni huria i. Dijou Debata do marhitehite Huria i angka pangula, laho mangkarejohon hombar tu tohonan Hamalimon.

Panurirang  dohot pangajarion ni Kristus na tolu di bagasan huria i (1Kor .12:28).

Angka tugas ni pakarejo, i ma :

1.     Manjamitahon Barita na Uli I tu ruas ni huria, dohot tu na so masuk ruas dope.

2.     Mandalankon Sakramen na dua i, ima Pandidion Na Badia dohot Ulaon Na Badia 

3.     Marmahani tondi ni ruas Huria i ( Seelessorge ).

4.     Pahotkon Poda Na polin Marhitehite sian Pamincangon partondion dohot mangalo Poda Haliluon.

5.     Padalankon parasi ni Rohaon (Diaconie). Tu angka Karejo si songon i ma di pabangkit di bagasan Huria i Apostel, Panurirang, Evangelis, Parmahan dohot Guru  (Ep. 4:11 dohot diakon Ul.Ap. 6).

.

Marhitehite poda on taalo jala tatulak do: Pikiran ni halak namanulak, dohot mansuadahon langgam ni parkarejoan alani i partimbanganpartimbangan ni rohana sandiri. Marhitehite on ta alo jala tatulak do: Manang ise pe ndang boi jongjong di huria i laho marjamita, mangajari dohot mandalankon langgam parkarejoan ni huria i ia so jolo diampehon Huria i tu ibana tohonan parhobas di Huria manang na di suru ni huria i markarejohonsa.

BINDU 10

PARATURAN NI HURIA

Taoku do :

Ingkon adong do aturan ni huria na marojahan tu Hata ni Debata. Ai sada parkokas do i laho mambaen renta jala sonang huria i (1Kor. 14:33). Mardomu tusi, si pestahononkon do pesta Hatutubu, Hananaek, Haheheon dohot hamatean ni Tuhan ta Jesus, Songon i muse dohot Pesta Haroro ni Tondi Parbadia. Ala i ingkon tangkas do ingoton: Ndada haringgasonta mangkarejohon sude na i mambaen taruli hita di hasesaan dosa.

BINDU 11

HARI MINGGU

Siparbadiahononta do hari minggu :

“Ari ni Tuhan i”, Ari parmulaan di panompaon ni Debata, Ari Haheheon ni Tuhan Jesus dohot Ari Haroro ni Tondi Parbadia, na nipestahon ni halak Kristen sian mulana jongjong dope huria i. Jadi na mulak be hita tu sabat ni jahudi; Ai halak Kristen do hita .

Marhitehitepoda on taalo jala tatulak do poda na mandok: Ari sabtu do sabat si parbadiaan.

BINDU 12

PARNINGOTAN NI ANGKA NA MONDING

Taoku jala tahaporseai do:

Songon utang ni jolma na so tardalihon, ingkon mate sanoli, dung i hona uhum (Hbr. 9:27). Namaradian do nasida sian bahenon ni nasida (Pangk. 14: 13). Jala Jesus do Tuhan ni na mangolu dohot na mate.

Jadi ia tarbaen pe parningotan di angka na monding, na marningot ajalta sandiri do hita disi dohot pahotkon arop ni rohanta di hadodomu ni angka naporsea tu Debata dohot na patoguhon roha do i dingolu nagok partinaonan on (Pangk. 7: 9-17).

Marhitehite poda on ta alo jala ta tulak do poda ni hasipelebeguon na mandok: Adong do pardomuan ni tondi ni na nunga monding dohot jolma na mangolu.Songon i poda namandok:Laing tinggal di tanoman I do tondi ni naung monding i; dohot markuliang-kuliang di inganan naung monding i do tondina. Laing songon i muse ta alo jala tatulak do poda na mandok; Api pangurason na ingkon boluson laho mangurasi tondi naung monding, asa tu hangoluan, jala na boi adong tarpatupa di halak naung monding, asa sumigop malua sian api pangurason i.

Songon i muse na martangiang tu tondi ni naung monding dohot mangarop taripar hagogoon dohot habadiaon ni angka naung monding-tanomanna, pakeanna, barang-barang na (Parmanoanna, reliqui ).

BINDU 13

AROP NI ROHA 

Taoku jala tahaporsea I do :

Na mangolu di bagasan arop ni roha do ganop ruas ni Huria i, na disurduhon ni Debata mangihutkaon godang ni asi ni rohaNa marhitehite haheheon ni Jesus Kristus. (Gal. 5:5; Tit. 1:2; 1Ptr. 1:3).

Dihorhon arop ni roha i do : Pos ni roha ndada angka na marmalu-malu, sonang ni roha hapohomon, hasobaron manaon dohot habadian. (Rm. 5:5; 8:24; 15:4; 1Kor. 13: 7; 1Yoh. 3:3).

Jala di dasdasi do hita tu: Arop ni roha na so ni ida, hahohot ni haporseaon, painte-intehon hatutulus ni arop ni roha i, marmomosi pos ni roha i, togu ni roha ala ni baga-baga ni Debata na so ra muba, habadiaan (Rm. 8:24; 15:13; Kol. 1:23; Hbr. 3:6; 6:11; 1Ptr. 1:11; Psl. 31:24; 42:4; 130:7). Gabe sipanean ni hangoluan na so ra mantak do hita, mangihutkon arop ni roha i (Tit. 3:7 ).

Marhitehitepoda on taalo jala tatulak do poda: na so adong do haheheon sian na mate, jala na mangolu di bagasan angan-angan do angka na marojahan di arop ni roha mangihutkon poda ni ugamo.

BINDU  14

HORSAYAAN DOHOT PAMBAENAN NA BADIA (SIPANGANON)

Taoku jala tahaporseai do :

 Ingkon parbue ni haporseaon do pambaenan na denggan i. Na lilu do halak molo diarop roha na dapotan hatigoran, hangoluan, apulapul dohot hasonangan ma ibana ala ni ulaon dohot pambaenan na denggan sajo. Holan Jesus do na boi manesa dosa dohot padomuhon jolma dohot Debata. 

Sipatuluson do patik na sampulu i. Ai holan marhitehite haporseaon do mangolu jolma, asa ndada sian na marpambahenan na denggan sajo. Tondi parbadia do na mangajarkon jolma laho patupahon pambahenan na denggan (Rm. 5:1; Ep. 2:8; Gal. 2:16; Rm. 3:20, 24,5,1).

Ndada gabe badia jolma ala ni na pasauthon na nidok di pantang taringot tu sipanganon. Ai haporseaon do manjalo habadiaan sian Debata. Ndada gabe jolma na mamentingkon si panganon. I do alana umbahen na dialo Apostel Paulus angka patik ni Jahudi angka taringot tu sipanganon. Ndada tola papudion Barita Na Uli I ala ni angka pantangpantang, atik pe bahenon ni angka hasomalon pe (Mat. 15:11; Kol. 2:21).

Marhitehite poda on ta tulak do poda ni angka na mamodahon songon i. Ala i atik pe songon i asa unang mambaen pardandian tu na hurang togu  do pe haporseaon na jala partuktuhan tu dongan, di na pareakhon gabe hasonangan, jala na padenggan hita sama hita mardomu tu luat hajongjongan ni hurianta, tumbuk jala tama do taparateatehon na tarsurat di Rom 14:21; ”DTagonan, unang mangan juhut, unang minum anggur hita, unang ma taula manang di ape, ia targasip donganmu disi”: dohot di 1Korintus 8:13: ”Dibahen i, antong, anggo targasip donganki siala sipanganon, na so tupa be panganongku juhut salelengna i, asa unang targasip donganki hubahen”.

BINDU 15

TARINGOT TU PAMARENTA

Ta oku jala ta haporseai do :

Na marharoroan sian Debata do panggomgomi, ima pamarenta na mangalo hajahaton, na panjongjongkon hatigoran asa marsonangsonang jala so targanggu angka na porsea i, songon na tarsurat di Roma 13:1-6 dohot 1 Tim 2:22. Ala i laing sai ingot jala saiparateatehononkon muse do na tarsurat di buku Ulaon ni Apostel 5:29, ”Ingkon oloan do iba di Debata asa jolma”.

Marhitehite poda on taoku jala tasaksihon do: ”si tangiangkon di huria do pamarenta asa jongjong dihatigoran. Ala i sipatubegehonon ni huria mandalankon tohonan (Mat. 22:21).

Marhite poda on taalo jala ta ulak do pikiran na mandok: ”Asa Negara keagamaan Negara “, ai Negara mandalankon tohonan jala Huria mandalankon tohonanna. Tamba ni i molo porlu di pangadilan, ala ni na manjalahi hatigoran ni parkaro, songon i muse dina manjalo pangkat, manang jabatan, tola do holan marjanji, ndada pola marsumpa.

BINDU 16

ARI PARUHUMAN PARPUDI

Taoku jala ta haporseai do :

Na rodo Tuhan Jesus Kristus di ari na parpudi laho manungguli angka naung monding (Yoh. 5:28; 1Tes 4:16; Mat. 24:3; Luk. 21:28; Pangk. 20:11-15). Manguhumi nasa jolma (Mat. 25: 1; 1Kor. 15: 52; 2Kor. 5 :10). Disima jounNa angka na porsea laho manean hangoluan na saleleng ni leleng na (Mat. 25:41).

Ala i molo tu na so porsea i didok Ibana ma di na paorot nasida: ”Laho ma hamu sian jolongkon, hamu angka na binuraan tu api sisaleleng ni lelengna, na pinature di sibolis i dohot di angka surusuruanna” ( Mat. 25:41). Hot ma di si jambar ni na porseai i di lambung ni Debata ro di saleleng ni leleng na.

Marhitehite poda on taalo jala ta ulak do poda mandok: Na boi do baenon jolma paretongan na manontuhon ombas haroro ni Kristus Paduahalion. Tambah ni i: Tatulak do poda mandok: Adong do pe tingki parasian dung monding jolma i. Sandok taondolkon do: Di hatiha na so diambang do haroroNa (1Tes. 5:2; Mat. 24:42,44; Luk. 12:35-36). Alani i, jonggor ma hita paintehon haroroNa i.

Panindangi Haporseaon (Konfessi) ni GKPA na tasurat di ginjang, di totopkon di Rapot Majelis Pusat GEREJA Kristen Protestan Angkola pada 15-16 April 1977 jala disahkan / di pahot di Rapot Sinode Am IV, 29 Oktober 1980 di Padangsidimpuan. Konfesi GKPA ini kemudian direvisi pada Synode Am GKPA XIV 2003.

P.Sidimpuan,…………………….

a.n Sidang Sinode Am Ke……….

Pdt………………………………

Ephorus GKPA