TATA IBADAH PAMASU-MASUON TOHONAN SINTUA DI GKPA (TATA IBADAH PENAHBISAN PENATUA DI GKPA)

TATA IBADAH PAMASU-MASUON TOHONAN SINTUA DI GKPA

(TATA IBADAH PENAHBISAN PENATUA DI GKPA)

1.        E N D E    :        (Jongjong ma na giot pasu-pasu on)

2.        SIPAINGOT   : Hamu dongan sahaporsayaan dibagasan Jesus Kristus na di Parlagutan on !

Mulai sian na ojak Parlagutan ni Tuhanta di portibi on, madung dipuldit jana ditotopkon Tuhanta do na gabe sintua na giot manghobasi di Parlagutan i, jana dibagasan tangiang do Parlagutan i pasahatkon halahi tu Tuhan anso dipake jana dipargogoi halahi di sude panghobasion ni halahi.

Sadalan tusi ma, diida hamu do saonnari donganta na jongjong dison, na dung tarpili gabe sintua di Parlagutan on. Na giot jagiton ni halahi ma pasu-pasu Tohonan Hasintuaon sian Tuhanta, anso margogo halahi mangkarejohon karejo na dipasahat tu halahi sadari on.

Hatiha so dipasahat do pe tohonan i tu halahi, angkon tangkas do botoonta di Parlagutan on, aha do tanggung jawabta tu halahi na markarejo di parlagutan on, i ma na sian hata ni Tuhanta na mandok :

a.       Ihutkon hamu angka parenta na sian pamimpinmunu jana oloi hamu ma na nidok halahi. Angke tongtong do diparrohahon halahi tondimunu janaNangkon martanggungjawab do halahi tu Debata. Muda dioloi hamu do halahi tarbaen halahi ma markarejo dibagasan sonang ni roha ; muda inda songon i, humolos ma halahi na karejo i, jana nada adong ro labo sian na songon i di hamu. ( Heber 13:7 + 17)

b.       Pangidoannami tu hamu ale angke dongan, parsangapi hamu ma angka dongan na loja markarejo di tonga-tongamunu ; i ma angka dongan na di todo ni Tuhan i mamimpin dohot paingot hamu. Patudohon hamu ma sangap na sagodang-godangna tu halahi. Sai mardame ma hamu na sada tu na asing. (I Tesaionika 5:12-13)

          Marojahan tu hata ni Debata na dung tabege i, markitehite i ma hami pangidohon tu hita sude na di Parlagutan on, anso dohot ma hita mangurupi dohot manangiangkon halahi, anso margogo jana manjadi karejo ni halahi markite pandonganion dohot pasu-pasu ni Tuhanta di sude karejo na dipasahat tu halahi sadari on, jana anso denggan ditogu-togu jana diparmahani halahi hita di Parlagutan on.

3.        ENDE

4.        SIPAINGOT:                                                                                (Tu na giot pasu-pasu on )

Hamu dongan Sintua na dung dipuldit ni Parlagutan on, dihaporsayai rohanta do basa Tuhan Jesus ulu ni Parlagutan i sandiri do na mamuldit hamu dohot na pasahatkon Tohonan Hasintuaon i tu hamu laho marmahani ParlagutanNa i.

Dibahen i ma, di na mandalankon karejo dohot Tohonan Hasintuaon i hamu, anso tongtong ma di bagasan na denggan hamu, jana parrohahon hamu ma hata ni Debata na mandok :

a.       Hata na tutu do on : sanga ise na marhagiot gabe pamimpin ni Parlagutan, patuduhon por ni rohania do ia tu sada karejo sigodang arga. Harani i, sanga ise na jadi pamimpin ni Parlagutan on, angkon halak na so martilako ma ; angkon sada sajo do dadaborunia ; bisa mangorom dirina, na malo jana na maraturan ; angkon jop do rohana manjagit tamu di bagasna ; jana ringgas mangajari halak ; ulang parmabuk sanga na parbada. Tapi angkon halak na lambok jana pardame. Ulang halak na sai mangarohahon hepeng. Angkon malo do mangatur rumahtanggana sadenggan- dengganna, dohot mangajari dakdanakna mangoloi jana pantun tu sia. Angke muda so malo halakna i mangatur rumahtanggana sandiri, tarbia ma he baenonnia mangatur Parlagutan ni Debata ? Nada tola halak na baru masuk Kristen gabe pamimpin ni Parlagutan angke gabe ginjang do rohania, jadi gabe hona bura ni sibolis i ia. Angkon na denggan do goarna di tonga-tonga ni halak na bahat; angke anggo nada songon i, dipalayas halak do ia, gabe madabu ma ia tu sambil ni sibolis baenon ni i. (1 Timoteus 3:1-7)

b.       Angka Sintua na denggan markarejo songon pamimpin, patut do lehenon dua noli lompit sangap tu halahi, lumobi angka na ringgas marjamita dohot mangajari. (1 Timoteus 5:17)

c.       Nipangido anso diparrohahon angka Sintua jolo on. Songon donganmunu pamimpin, hubaen surat on bope donganmunu na manyaksihon sandiri parkancitan ni Kristus, jana na giot dohot pasangapon muda dung dipataridahon hasangapan ni Kristus tu hita jolma. Gomos pangidoanku anso parmahani hamu punguan ni biri-biri ni Debata na nipasahat tu hamu. Sonang ma rohamunu marmahani halahi songon na nihagiotan ni Debata, ulang ma borat rohamunu. Jana ulang ma hum hara ni na giot manjalahi labo baen hamu, tapi harani situtu ni rohamunu ma mangoloi. Ulang ma songon pambaenan ni halak na markuaso baen hamu maradopkon halak na nipasahat tu hamu, tapi gabe tiruan na denggan ma hamu di halahi. Jadi muda ro Parmahan Bolon i, jagitonmunu ma tuku hamuliaon na so ra malos. (1 Petrus 5:1-4)

d.       Jamitahon ma jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu. Angke angkon ro do hatihana na so ra be halak manjagit pangajaran na sintong. Gumonan noma hagiot ni halahi sandiri ihutkonon ni halahi, jana gabe palaguton ni halahi ma angka guru laho mangajarkon angka pangalaho na tabo begeon ni pinggol ni halahi. Dipahusor halahi do pinggol ni halahi sian na sintong, tapi patinggilon ni halahi do i tu angka turi-turian na so tutu. Tapi haru songon i pe, ulang pola jabat dut rohamu marnida sanga aha pe na masa. Sobar ma ho diparkancitan, karejohon ma karejomu, songon parjamita ni Jamita Na Denggan i jana dalankon ma na nipaporsankon tu ho sadenggan-denggan na. ( 2 Timoteus 4:2-5)

e.       Antong, na gabe pangarimpunan ni karejo ni Sintua di Parlagutan i songon on ma sidalankononmunu:

1.    Parkarejo na martohonan na mangurupi Pandita do hamu di Parlagutan i, na mamatahon dongan angka na dipasahat tu hamu, dohot manjagahon parange ni halahi, muda diboto hamu na hurang denggan parange ni barang ise pe, angkon pincangan dohot togu-toguonmunu do anso mulak tu na denggan.

2.                    Mandasdasi dongan ro tu parmingguan dohot manangkasi sanga aha harana dibaen na so ro.

3.                    Mandasdasi anak dohot boru ni Parlagutan i anso ringas ro tu Sikola Minggu.

4.                    Mangaligi angka na mamyae jana paturehon na hasaya di halahi, tapi na umporiu i ma paingotkon hata ni Debata tu halahi dohot manangiangkonsa.

5.                    Mangapoi angka na marsak, mangurupi angka na dangol dohot angka na pogos.

6.                    Manogu-nogu dohot mangajari angka na lilu, anso mulak halahi tu hasintongan gabe dohot marsaulihon hangoluan na nipatupa ni Tuhan Jesus.

7.                    Mangurupi paturehon angka guguan dohot karejo na porlu tu Harajaon ni Debata.

5.        SAPA-SAPA:

On pe hamu na nihaholongan, anso tangkas botoonnami burju ni rohamunu patuluskon sudena karejo Hasintuaon i, antong alusi hamu ma na husapai on tu hamu !

1.    Na ra do hamu manghangoluhon dohot mamarangehon tohonan Hasintuaon i dohot denggan di jolo ni Debata dohot di jolo ni jolma ?

2.                     Na ra do hamu manjagit karejo Hasintuaon i sian nasa rohamunu songon na hupajojor nangkin tu hamu ?

3.                     Na ra do hamu manghaburjuhon dohot mangaradoti sudena ruhut-ruhut ni Tohonan Hasintuaon i sian nasa roha dohot gogomunu hombar tu hata ni Debata ?

Muda na dung sada do rohamunu manjagit, mangoloi dohot mandalankon sudena i, jana na marpadan ma hamu di jolo ni Debata dohot di jolo ni Pariagutan on, dok hamu ma alusmunu !

Alus  :     "Na ra do  au ! Sai didongani asi ni roha ni Debata ma au mangkarejohon dohot manghangoluhon Tohonan Hasintuaon i".

6.        AYAT SIPAINGOT :            (Manise ayat sipaingot lalu dijalang dung i marsinggang)

7.                  PASUPASU       :                                         Jagit hamu ma pasupasu sian Tuhan Debata !

St .......................................  Dipasupasu jana diparrohai Tuhan Debata : Ama dohot AnakNa Tuhan Jesus Kristus dohot Tondi Parbadia ma ho manghangoluhon dohot manghaburjuhon Tohonan Hasintuaon na dipasahat tu ho sadari on, anso marsangap Debata di tonga-tonga ni pariagutan i. Amen !

         ( Dung sidung jongjong na tarpasupasu i mangadop Pariagutan, didok Pandita i ma )

        

Hamu angka dongan na di Pariagutan on, jagit hamu ma angka Sintua on dibagasan dame, sude ma hita on gogo manangiangkon halahi, anso manjadi jana denggan karejo ni halahi di Pariagutan on baen hasangapon ni Tuhanta.

      

8.        TANGIANG : MARTANGIANG MA HITA !

Ale Tuhan Debata Amanami na di banua ginjang ! Tarimakasi ma rohanami tu Ho, hara asi ni rohaMu di angka dongannami on, dibaen dipuldit Ho do halahi gabe parhobasMu di ParlagutanMi. Sai tambai ma tu roha ni halahi angka silehen-lehen ni Tondi Parbadia, anso mur marroha jana margogo halahi mangkarejohon Tohonan Hasintuaon na nipasahat tu halahi sadari on. Asi ma rohaMu tu halahi dohot tu sude ruas ni Pariagutan on. Sai patogu ma haporsayaan ni halahi be, jana mur pasada tahi ni halahi mangihutkon Ho. Sungguli ma rohanami sudena, anso tongtong marsihaholongan, jana ulang adong sipincangon sian tonga-tonganami, anso mur rarat jana marmulia goarMu na badia i. Amen !

9.        E N D E    :                                                                               (Juguk ma tu ingananna be)

10.    AGENDA PANUTUP    :