INSPIRASI PAGI RAMLI SN HARAHAP: TATA IBADAH MINGGU/PESTA GKPA MODEL"B "

Selasa, 13 Februari 2018

TATA IBADAH MINGGU/PESTA GKPA MODEL"B "

TATA IBADAH MINGGU/PESTA GKPA

MODEL "B"

1. ENDE :

2. VOTUM : Rap rim ma hita jongjong !

Dibagasan goar ni Debata : Ama dohot Anakna Tuhan Jesus Kristus, dohot Tondi Parbadia, na manompa langit dohot tano on. Amen.

(Basaon sada ayat na tumbuk di an Minggu, sanga pesta, sian angka ayat na tarsurat di bagian paduahon bagian A di halaman 98 - 115 ) jana dipaujung dohot hata : "HALELUYA".

Parlagutan : Haieluya, Haleluya, Haleluya (diendehon).

Tangiang : (Basaon sada tangiang na tarsurat di bagian paduahon bagian B di halaman 116 - 133 ) (Juguk ma hita)

3. ENDE :

4. T O N A : Tabege ma Tona ni Debata na gumodang i!

Angkon haholonganmu do Tuhan Debatamu sian nasa ate-atemu, sian nasa tondimu, dohot sian nasa rohamu.

Jana angkon haholonganmu do donganmu jolma doskon dirimu ! Antong rap ma hita mangido gogo sian Debata !

Parlagutan : Ale Tuhan Debata, sai pargogoi ma hami patuluskon na hombar tu hataMi, Amen.

5. ENDE :

6. TANGIANG MANGOKU DOSA :

Rap rim ma hita jongjong! Tatopoti ma dosanta tu jolo ni Debata, martangiang ma hita !

(Basaon sada tangiang na tarsurat di bagian paduahon bagian C di halaman 134-136) Tabege ma hata ni Debata, baga-baga taringot tu hasesaan ni dosanta i!

(Basaon sada ayat na tarsurat di bagian paduahon bagian 0 di halaman 137 - 139)

(Juguk ma hita )

7. ENDE :

8. EPISTEL : Tabege ma Hata ni Debata, Epistel di Minggunta sadari on i ma natarsurat di................

( Paujungkon turpuk i dipuldit ma sian ayat na tarsurat di toru on )

1. Martua do angka na umbege Hata ni Debata, jana na marmomosi dibagasan rohana. Amen ! (Lukas 11:28)

2. Martua ma angka na male dohot na mauas mida hatigoran i, dibahen nipabutong do halahi muse. Amen ! (Mateus 5:6)

3. Sai parjolo ma jalahi hamu Harajaan ni Debata dohot hatigoranNa, jadi lehenonNia ma di hamu na songon i. Amen ! (Mateus 6: 33)

4. Tapi, gabe na patulus hata i ma hamu, ulang hum na mananginangi sajo, anso ulang dipaoto-oto hamu dirimunu. Amen ! (Jakobus 1: 22)

9. E N D E :

10. MANGOKU HAPORSAYAAN : Rap rim ma hita jongjong !

Taoku ma haporsayaanta i, rim ma hita mandok :

Au porsaya di Debata, Ama Na Sun Markuaso, na manompa langit dohot tano.

Au porsaya di Jesus Kristus, Anak ni Debata na sasada i, Tuhanta, na nitubuhon ni Tondi Parbadia, na nianakkon ni bujing-bujing si Maria, na manaon parsahitan taran Pontius Si latus. Diparsilangkon, mate, nitanom, manuattu banua toru, ngot sian halak na mate di ari patoluhon, manaek tu banua ginjang, juguk di siamun ni Debata, Ama Na sun Markuaso. Mulak la muse sian i, manguhumi halak na mangolu dohot na mate.

Au porsaya di Tondi Parbadia, sada parlagutan ni halak Kristen na badia, pardonganan
ni halak Kristen na badia, hasesaan ni dosa, hangongot ni pamatang, dohot hangoluan
na so mantak. Amen ! (Juguk ma hita)

11. TINGTING

12. TANGIANG PANGONDIANON :

13. PALAGUT HAUL:

(Dung jongjong na palagut haul di jolo ni langgatan didok paragenda ma )

Tabege ma jolo hata ni Debata na gabe ojahan di hita laho palagut haulta, i ma
na tarsurat di.............. (puldit sada ayat na di toru on)

1. Masmur 50 : 14

Haul haluaan ma haulkon tu Au, Debata na gumincat, patulus ma janjiMu tu Au ! Amen.

2. Masmur 50 : 23 a

Sanga ise na mandok tarimakasi baen haulna, i do na pasangapkon Au ! Amen.

3. Poda 1 : 24

Adong do halak na burju mangalehen tapi mur martamba kayo, adong do na sun hematna mur pogos ! Amen.

4. II Korintus 9 : 7

Angkon marguru tu nionjar ni rohana be ma mangalehen, ulang pola hara ni na alang-alangan sanga hara ni na tarpaksa , angke dihaholongi Debata do sanga ise na mangalehen sian jop ni roha. Amen.

5. II Korintus 9 : 6

Timbang hamu ma jolo ! Anggo halak na manyuan same saotik, otik muse do suha ni i buatonna. Tapi halak na manyuan bahat same, laing bahat ma muse buatonna suha sian i! Amen.

Antong, tapalagut ma haulta na I - II.

Marende ma hita ............ !

14. E N D E : ( Haul I + II)

15. JAMITA

a. Tangiang laho Jamita

b. Mamasa turpuk Jamita

c. Ende manyambut Jamita No. 34 : 3

d. Marjamita

e. Ende mangauhon Jamita No. 312 : 5

f. Tangiang manutup Jamita.

16. ENDE : (haul III)

17. ACARAKHUSUS

18. TANGIANG HAUL Rap ma hita jongjong !

Tapasahat ma haulta on tu Debata anso dipasu-pasu, martangiang ma hita ! Ale Tuhan Debata, Amanami na di banua ginjang, Ho do haroroan ni sasude silehen-lehen na denggan dohot silua na sanggam.

Hami pasahat ma sian na nilehenMi tu hami gabe haulnami tu Ho, sai jagit ma i gabe uap na huskus di adopanMu. Pasu-pasu ma i jana jagahon, anso hami pargunahon haul on laho patimbulkon harajaanMu di tongatonga ni parlagutanMu dohot di portibi on. Sai ungkap ma rohanami markitehite TondiMu, anso mur hami tanda silehen-lehenMi tu hami, anso mur ringgas hami mandokkon tarimakasi tu Ho markitehite Jesus Kristus Tuhannami. Amen !

Parlagutan : Mangendehon Ende No. 8 : 4 ( Di Ho helehen ma dohot udutna )

"Di Ho hulehen ma Fohangku, tondingku pe di Ho muse. Harani Ho adong gogongku, sai pargunahon ma sude. Tuhanku Ho dohot Rajangku, laing Ho na patut oloanku".

Paragenda : ( Basaon ma sada tangiang na tarsurat di bagian paduahon bagian E di halaman 140 -153) Udut na :

Ale Amanami na di banua ginjang, pinorbadia ma GoarMu. Ro ma harajaanMu. Tulus ma rohaMu songon di banua ginjang songon i muse di tano on. Lehen ma di hami panganonnami ganop ah sadari on. Sesa ma dosanami songon hami manyesa dosa ni dongannami na mardosa di hami. Ulang pamasuk hami tu bagasan pandugaan, tapi palua ma hami sian pangago i.

Parlagutan : ( Mangendehon )

Dibaen Ho do nampuna harajaan, dohot hagogoon dohot hasangapan salolot ni lolotna. Amen!

19. PASU-PASU

Dipasupasu jana dijagahon Tuhan Debata ma ho / hita

Disondangkon Tuhan Debata ma bohiNa tu ho / hita, jana asi ma rohaNa mida ho / hita

Diadopkon Tuhan Debata ma bohiNa tu ho / hita, jana dipasaor ma dameNa tu tondimu / tondinta. Amen.