TATA IBADAH MINGGU / PESTA GKPA MODEL" A "

BAGIAN PARJOLO

TATA IBADAH MINGGU / PESTA GKPA MODEL" A "

1.                  ENDE:

2.                  V O T U M :                                                       Rap rim ma hita jongjong !

         Dibagasan Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na manompa langit dohot tano on. Amen.

              (Basaon sada ayat na tumbuk tu ari Minggu, sanga Pesta, buaton sian angka ayat na tarsurat di bagian na paduahon bagian A di halaman 98 - 115 jana dipaujung dohot hata : Haleluya")

       Parlagutan     :         Haleluya ! Haleluya ! Haleluya !

       Tangiang          :         (Basaon sada tangiang na tarsurat di bagian paduahon bagian B di halaman 116 - 133 )        (Juguk ma hita)

3.        ENDE:

4.        TONA:

       Tabege ma Tona ni Debata   (Gonti ni Tona ni Debata na tarsurat di)

1.                     Au do Tuhan Jahowa Debatamu, ulang mardebata na leban ho di balikku !

2.                     Ulang mangganaganai sanga maniru pe nada tola : bope na di ginjang ni langit, bope na di toru ni tano on, nada jadi sombaonmu sudena i!

3.                     Ulang dokkon goar ni Tuhan Debatamu, muda soada dalanna, dibaen diuhumi Debata do halak na mandokkon goarNia muda soada dalanna.

4.                     Ingot ma ari Sabbat, anso diparbadiai ho ari i. Onom ari ma lolotmu na markarejo, barang aha pe baenonmu; tapi ari papituhon, i ma ari Sabat ni Tuhan Debatamu. Nada jadi ho markarejo di na sadari i, bope anakmu, bope borumu, bope naposomu halaklahi, bope naposomu dadaboru, bope pahan-pahananmu, bope halak na mardagang di hutamu. Dibaen dibagasan onom ari do ditompa Debata langit dohot tano dohot laut dohot isina sudena, asa maradian ma la di ari papituhon i. Hara ni i dipasu-pasu asa diparbadiai Debata ma ari Sabbat i.

5.                     Angkon pantun do ho di natorasmu, anso lolot ho mangolu di tano na nilehen ni Tuhan Debatamu di ho.

6.                     Ulang ho mamunu jolma !

7.                     Ulang ho markarosuan !

8.                     Ulang ho manangko !

9.                     Ulang ho margabus mangalo donganmu.

10.               Ulang impol rohamu di bagas ni donganmu, ulang impol rohamu di dadaboru ni donganmu, bope di naposona halaklahi, bope di naposona dadaboru, bope di lombuna, bope di hajaranna, bope di barang dia hohas ni donganmu.

On ma na nidok ni Debata taringot tu Tona na sampulu i!

      

       Dibaen Au do Tuhan Debatamu, Debata parrimas do Au, na mangaluluhon dosa ni ama-ama tu dakdanakna, lopus tu sundut patoiuhon dohot paopatkon di pinompar ni halak na magigi mida Au. Tapi hoiong do rohangku sapanjangna sian sundut tu sundut di halak na marholong ni roha di Au jana na mangoloi tonangki.

       Parlagutan     :             Ale Tuhan Debata, sai pargogoi ma hami patuluskon na hombar tu hataMi. Amen.

5.                  ENDE:

6.                  TANGIANG MANGOKU DOSA  Rap rim ma hita jongjong !

         Tatopoti ma dosanta tu jolo ni Debata, martangiang ma hita !

         (Basaon sada tangiang na tarsurat di bagian paduahon bagian C di halaman 134-136)

         Tabege ma hata ni Debata bagabaga taringot tu hasesaan ni dosanta

         (Basaon sada ayat di bagian paduahon bagian D di halaman 137 - 139 )

         (Juguk ma hita )

7.                  ENDE:

8.        EPISTEL :        Tabege ma Hata ni Debata, Epistel di Minggunta sadari on i ma na tarsurat di.................. (Paujungkon turpuk i dipuidit ma sian ayat na tarsurat di toru on ).

1.                     Martua  do  angka  na  umbege  Hata  ni   Debata,  jana  na  marmomosi dibagasan rohana. Amen ! (Lukas 11.28)

2.                     Martua ma angka na male dohot na manguas mida hatigoran i, dibaen nipabutong do halahi muse. Amen ! (Mateus 5.6)

3.                     Sai parjolo ma jalahi hamu Harajaan ni Debata dohot hatigoranNa, jadi lehenonNia ma di hamu na songon i. Amen ! (Mateus 6:33)

4.                     Tapi, gabe na patulus hata i ma hamu, ulang hum na mananginangi sajo, anso ulang dipaoto-oto hamu dirimunu. Amen ! (Jakobus 1 :22 )

9.                  ENDE:

10.           MANGOKU HAPORSAYAAN : Ram rim ma hita jongjong !

         Taoku ma haporsayaanta i, rim ma hita mandok !

             

              Au porsaya di Debata, Ama Na Sun Markuaso, na manompa langit dohot tano.

        

         Au porsaya di Jesus Kristus, Anak ni Debata na sasada i, Tuhanta, na nitubuhon ni Tondi Parbadia, na nianakkon ni bujing-bujing si Maria, na manaon parsahitan taran Pontius Si latus. Diparsilangkon, mate, nitanom, manuat tu banua toru, ngot sian halak na mate di ari patoluhon, manaek tu banua ginjang, juguk di siamun ni Debata, Ama Na sun Markuaso. Mulak la muse sian i, manguhumi halak na mangolu dohot na mate.

        

         Au porsaya di Tondi Parbadia, sada pariagutan ni halak Kristen na badia, pardonganan ni halak Kristen na badia, hasesaan ni dosa, hangongot ni pamatang, dohot hangoluan na so mantak. Amen !                                                                                                                     (Juguk ma hita)

11.    TINGTING:

12.           TANGIANG PANGONDIANON :

13.           PALAGUT HAUL :

              (Dung jongjong na palagut haul di jolo ni langgatan didok paragenda ma):

         Tabege ma jolo hata ni Debata na gabe ojahan di hita laho palagut haulta i, ima na tarsurat di:

         (dipuldit sada ayat na di toru on)

1.     Masmur 50 : 14

          Haul haluaan ma haulkon tu Au, Debata na gumincat, patulus ma janjimu tu Au ! Amen.

2.    Masmur 50 : 23a

          Sanga ise na mandok tarimakasi baen haulna, i do na pasangapkon Au ! Amen.

3.    Poda 11 : 24

          Adong do halak na burju mangalehen tapi mur martamba kayo, adong do na sun hematna mur pogos ! Amen.

4.   II Korintus 9 : 7

          Angkon marguru tu na nionjar ni rohana be ma mangalehen, ulang pola hara ni na alang-alangan sanga hara ni na tarpaksa, angke dihaholongi Debata sanga ise na mangalehen sian jop ni roha. Amen.

5.    II Korintus 9 : 6

          Timbang hamu ma jolo ! Anggo halak na manyuan same saotik, otik muse do suha ni buatonna. Tapi anggo halak na manyuan bahat same, laing bahat ma muse buatonna suha sian i! Amen.

          Antong, tapalagut ma haulta na I – II Marende ma hita !

14.    E N D E :                                                                       (Papungu haul I + II)

15.    JAMITA:

a.       Tangiang laho Jamita

b.       Mamasa turpuk Jamita

c.       Ende manyambut Jamita                                                                               No. 34 : 3

       Pasu-pasu ma jamita, di bagasan rohangki Asa tongtong ma tarida, laing mangolu hataMi Di parange di hatangku, ro di pangalahongki Sai tarida ma parbatu, ni hataMu di au on.

              d.       Marjamita

              e.       Ende mangauhon Jamita                                                                             No. 312 : 5

Amin, amin, amin, na tutu do i Sai marhangoluan na porsaya i Sai marhangoluan na porsaya i

              f.        Tangiang manutup Jamita

16.           E N D E :                                                                                        ( Haul III)

17.    ACARA KHUSUS :                                   ( Muda adong misalna Pandidion d.n.a )

18.           TANGIANG HAUL :                                                                       Rap rim ma hita jongjong

         Tapasahat ma haulta on tu Debata anso di pasu-pasu. Martangiang ma hita!

        

         Ale Debata Amanami na di banua ginjang, Ho do haroroan ni sude silehen-lehen na denggan dohot silua na sanggam.

        

         Hami pasahat ma sian na nilehenMi tu hami gabe haulnami tu Ho, sai jagit ma i gabe uap na huskus di adopanMu. Pasu-pasu ma i jana jagahon, anso hami pargunahon haul on laho patimbulkon harajaanMu di tongatonga ni parlagutanMu dohot di portibi on. Sai ungkap ma rohanami markitehite TondiMu, anso  mur  hami  tanda  silehen-lehenMi  tu  hami,   anso  mur  ringgas  hami mandokkon tarimakasi tu Ho markitehite Jesus Kristus Tuhannami. Amen !

Parlagutan      :             (Mangendehon )

Ende Haul          :         "Di Ho hulehen ma rohangku, tondingku pe di Ho muse. Harani Ho adong gogongku, sai pargunahon ma sude. Tuhanku Ho dohot Rajangku, laing Ho na patut oloanku".

Paragenda          :                  (Basaon ma sada tangiang na tarsurat di bagian paduahon bagian E di halaman 140-153) Udut na :

                                                          Ale Amanami na di banua ginjang, pinorbadia ma GoarMu. Ro ma harajaanMu. Tulus ma rohaMu songon di banua ginjang songon i muse di tano on. Lehen ma di hami panganonnami ganop ari sadari on. Sesa ma dosanami songon hami manyesa dosa ni dongannami na mardosa di hami. Ulang pamasuk hami tu bagasan pandugaan, tapi palua ma hami sian pangago i.

Parlagutan     :         (Mangendehon )

                                                          Dibaen Ho do nampuna harajaan, dohot hagogoon dohot hasangapan salolot ni lolotna. Amen!

19.    PASU-PASU

         Dipasupasu jana dijagahon Tuhan Debatajna ho / hita

         Disondangkon Tuhan Debata ma bohiNa tu ho/hita, jana asi ma rohaNa mida ho/hita

              Diadopkon Tuhan Debata ma bohiNa tu ho / hita, jana dipasaor ma dameNa tu tondimu/tondinta. Amen.

         Parlagutan        :              Amen I Amen I Amen !

20.    MARENDE No. 140 : 1 - ..........                                                                                                      (Huhut manjalang Parhobas na martugas/melayani)