TATA IBADAH PELANTIKAN PUCUK PIMPINAN DOHOT ANGGOTA MAJELIS PUSAT GKPA

TATA IBADAH PELANTIKAN PUCUK PIMPINAN

DOHOT ANGGOTA MAJELIS PUSAT GKPA

1.        ENDE :

2.        SIPAINGOT :

Hamu dongan sahaporsayaan di bagasan Tuhan Jesus Kristus ! Jongjong do saonnari di jolo on diadopanta amanta na tahaholongi na dung dipuldit ni Synode Am pa     GKPA na gabe Ephorus dohot Sekretaris Jenderal. Sadari on lantihon ma halahi tu jabatan pelayanan Ephorus dohot Sekretaris Jenderal di GKPA. Domu tusi anso tabege ma hata ni Debata taringot tu tugas parmahanion dohot pelayanan i di parlagutan ni Tuhanta di GKPA on, i ma :

1.    Antong jagahon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markitehite mudarNia sandiri. Angke disi kehe au, marroan ma angka sorigala panyoro di tonga-tongamunu. Jana halak na nijagoanmunu i, i ma na giot soroon ni angka sorigala i. ( Baenon Rasul 20 : 28 - 29 )

2.    Gomos pangidoanku anso parmahani hamu punguan ni biri-biri ni Debata na nipasahat tu hamu. Sonang ma rohamunu marmahani halahi songon na nihagiotan ni Debata, ulang ma borat rohamunu. Jana ulang ma hum harani na giot manjalahi labo baen hamu, tapi harani situtu ni rohamunu ma mangoloi. Ulang ma songon pambaenan ni halak na markuaso baen hamu maradopkon halak na nipasahat tu hamu, tapi gabe tiruan na denggan ma hamu di halahi. Jadi muda ro parmahan bolon i, jagitonmunu ma tuku hamuliaon na so ra malos. (I Petrus 5:2-4)

3.          Laing songon i ma hita manjagit silehen-lehen na marasing-asing mangihutkon asi ni roha na dung dilehen tu hita. Halak na manjagit silehen-lehen anso manyurirangi, angkon karejohonon ma i mangihutkon haporsayaannia. Halak na mangurupi halak na asing, angkon marsitutu ma nian mangurupi halak. Halak na mangajari, tutu ma na mangajari i. Halak na laho paingotkon dongan, angkon marsitutu ma paingotkon halak na asing. Halak na marsilehen-lehen na adong disia, angkon sian burju ni roha na patut ma i dibaen. Halak na mamimpin, angkon dihaburjuhon ma na mamimpin i. Halak na maribo ni roha tu na asing, angkon sian jop ni rohana do i baenonna. (Roma 12: 6 - 8)

4.          Tiruan do na hubaen tu hamu, anso dibaen hamu muse songon na hubaen i tu hamu. Tutu do na Hudok on tu hamu : nada gumodang naposo sian morana ; jana nada gumodang suruan sian na marsurusa. Saonnari madung diboto hamu na songon i ; jadi muda didalankon hamu songon i, martua situtu ma hamu. (Joh. 13:15-17)

Asa saonnari hutangkasi ma jolo rohamunu di jolo ni Debata dohot di jolo ni sude pariagutan on, jana na marsapa ma au tu hamu.

Ephorus : Pdt ....................................... dohot tu hamu

Sekretaris Jenderal:  Pdt .....................................................

a.       Hamu Pdt ............................. dohot Pdt ................................................... , na ra do hamu manjagit jabatan pelayanan     "Ephorus"  dohot  "Sekretaris  Jenderal"  di   Gereja   Kristen Protestan Angkola ?

b.       Na ra do hamu na dua marjanji dohot mandalankon jana manghaburjuhon jabatan pelayanan na dipasahat i tu hamu sadari on di Pariagutan GKPA, sadalan tu na nitontuhon ni Tata Dasar dohot Tata Laksana GKPA, markitehite panogu-noguon dohot pangurupion ni Tondi Parbadia ?

c.       Na ra do hamu marpadan dohot mandalankon parjamitaon i manjamitahon hata ni Debata dohot marmahani pariagutan ni Debata na dipasahat tu hamu ?

Muda na dung sada rohamunu manjagit dohot marpadan tu Debata giot mandalankon sudena i, asa dok hamu ma pangokuanmunu di jolo ni Debata dohot di jolo ni Pariagutan on. (Alus ni Ephorus dohot Sekretaris Jenderal rap mandok ):

" Na marpadan ma au, na ra ma au mandalakon sudena karejo pelayanan i di Parlagutan GKPA, sai didongani jana dipargogoi asi ni roha ni Debata ma au patuluskon sudena i ".

3.                  ENDE

4.        PELANTIKAN  ( Pandita na tumobang ):

1.                     Mamasa Surat Keputusan Synode Am

2.                     Melantik (dijalang sada-sada )

       Tu Ephorus :

Tuhan Debata : Ama dohot AnakNa Tuhan Jesus Kristus dohot Tondi Parbadia ma na mandongani hamu dohot mangalehen bisuk di na giot mandalankon jabatan pelayanan Ephorus GKPA na dipasahat tu hamu sadari on, baen hasangapan ni Debata. Amen.

      

       Tu Sekretaris Jenderal:

Tuhan Debata : Ama dohot AnakNa Tuhan Jesus Kristus dohot Tondi Parbadia ma na mandongani hamu dohot mangalehen bisuk di na giot mandalankon jabatan pelayanan Sekretaris Jenderal GKPA na dipasahat tu hamu sadari on, baen hasangapan ni Debata. Amen.

5.        ENDE

6.        TANGIANG      : Martangiang ma hita !

Ale Tuhan Debata, Amanami na di banua ginjang, tarimakasi godang ma hami pasahat tu adopanMu, dibaen madung dipuldit Ho jana ditotopkon Ho do sadari on na gabe uluan ni PariagutanMu di GKPA, markitehite Synode Am na ni patupa ni ParlagutanMi.

        

Ho ma ale Tuhan na mangojakkon halahi tu pelayanan i dohot mangalehen gogo tu naposoMu na nisuruMi tu ParlagutanMi. Jana lehen ma bisuk di halahi anso sude pangkobasion ni halahi di ParlagutanMi mur patar jana mur togu mardalan. Hami pangido tu joloMu ale Debata, suru ma Tondi Parbadia i tu naposoMu na dilantik sadari on, anso pangkobasion ni halahi mardalan dohot denggan jana maraturan jana anso marpasu-pasu baenonMu. Lehen ma haporsayaan na togu di halahi, anso margogo halahi marmahani Parlagutan i. Pasu-pasu, pargogoi jana parbisuhi ma sude Anggota Majelis Pusat na giot lantihon di hatiha on, anso tarbaen rap marsiurupan di angka pikiran dohot sibaenon laho patuluskon angka sangkapMu markite panghobasion ni halahi. Togu - togu jana pasu-pasu ma sudena ParlagutanMi, anso tongtong saroha jana satahi, marsiurupan patuluskon lomo ni rohaMu di ParlagutanMi. Jana pake ma sude pangkobasionnami gabe parhitean ni pasu-pasuMu tu sude halak, anso marsangap jana marmulia goarMu na badia i. Tangihon ma tangiangnami on dibagasan goar ni AnakMu Tuhan Jesus Kristus Tuhannami. Amen!

7.        PELANTIKAN ANGGOTA MAJELIS PUSAT :

8.        E N D E  : (Di hatiha marende ro ma tu jolo sude Anggota Majelis Pusat na giot lantihon)

       Ephorus :                                                                                                                                            ( Ephorus rap dohot Sekjend na baru melantik Anggota Majelis Pusat)

1.    Mamasa hasil Synode Am pemilihan Anggota Majelis Pusat

2.                     Mamasa Surat Keputusan Synode Am

3.                     Pasahatkon SK Synode Am, lalu manjalang sude Anggota Majelis Pusat.

9.        E N D E

10.    TANGIANG

Ro do pe hami tu adopanMu ale Tuhan Debata Amanami na di banua ginjang, pasahatkon tarimakasi dohot puji-pujionnami di Ho, hara madung dipuldit Ho angka parhobasMu markite Synode Am, i ma Anggota Majelis Pusat GKPA. TondiMu, Tondi Parbadiai ma na mamasu-masu halahi, mangalehen gogo dohot bisuk tu halahi, gabe bisa mangalehen gogo dohot pikiran patuluskon haputusan-haputusan Synode baen harentaon parkarejoan di ParlagutanMi, anso marsangap goarMu na badia i. Dibagasan pos ni roha na togu do hami ale Tuhan Debata Amanami, na tangihononMu do tangiangnami on markite Tuhan Jesus Kristus Tuhannami. Amen.

11.    E N D E                                                                  ( Dihatiha marende mulak ma tu juguhanna be)

12.           MANDOK HATA:

-        ANGGOTA MAJELIS PUSAT + PUCUK PIMPINAN LAMA

-        ANGGOTA MAJELIS PUSAT + PUCUK PIMPINAN BARU

13.           ENDE

14.           TANGIANG PANUTUP / PASU-PASU :

rasenaha'18