PAMUNAN NA BADIA DI GKPA (PERJAMUAN KUDUS GKPA)

PAMUNAN NA BADIA DI GKPA

(PERJAMUAN KUDUS GKPA)

Tata Ibadah Pamunan na Badia di GKPA dipatupa tolu ragam ima:

1. Pamunan Na Badia Model "A"

2. Pamunan Na Badia Model "B"

3. Pamunan Na Badia di Bagas (tu angka namarsahit) baik di bagas sanga pe di rumah sakit.

PAMUNAN NA BADIA DI GKPA

MODEL" A "

1.                  ENDE

2.                  V O T U M :       Rap rim ma hita jongjong !

Dibagasan goar ni Debata : Ama dohot AnakNa Tuhan Jesus Kristus dohot Tondi Parbadia na manompa langit dohot tano on. A m e n.

( Manise sada ayat na di toru on )

        

1.                   Barang ise na mangan sibukKu jana na manginum mudarKu, di ibana do hangoluan na so mantak, asa Huubung pe ibana di ari na parpudi. (Joh. 6: 54)

2.                   Songon sintong na mangolu Au didok Tuhan Jahowa, na so lomo do rohangKu mida hamatean ni parjahat i, na lomo do rohangKu mida hamumulak ni parjahat i manadingkon dalanna, anso mangolu ibana.

       ( Hes.33 : 11 )

3.         Ro ma hamu tu Au, anso mangolu tondimunu, didok Tuhan Jahowa, haru pe
rara dosamunu songon abit bunga ni dapdap, bontar do bahenonKu songon
itak, haru pe rara songon abit hasumba, gabe songon hapas do muse.

             (Jes. 1 : 18)

4.         On ma hata na sintong jana tama jagiton, basa Kristus Jesus ro tu portibi on
pangoluhon si pardosa. (I Tim. 1:15)

         Martangiang ma hita:

Ale Tuhan Debata Amanami na di banua ginjang, parasi roha na sumurung di bagasan Tuhan Jesus Kristus na mangalehen haluaon dohot hangoluan na so mantak markitehite panghophopNa i. Topot ma hami na lagut dison, hatiha hami jagit parpadanan na badia i, lehen ma Tondi Parbadia tu ganup hami, anso ditubuhon haporsayaan na mangolu di hami, asa pos situtu rohanami di AnakMu Tuhan Jesus na dung manghophop hami. Pargogoi ma hami mansoadahon dirinami, anso tarihutkon hami Tuhan Jesus Tuhannami, jana anso hami baritahon goarNa na badia i. Sai togu rohanami anso mur malungun hami paintehon haroro ni Tuhan Jesus laho pasingkophon haluaon i. Amen !

3.        E N D E :

4.        JAMITA :

5.                  ENDE :

6.                  PANGKOBASION   :  Hita sudena na dung niparhamaol ni Debata !

Hatiha on, tahobasi do dirinta giot manjagit Pamunan na Badia i. Hara ni i ma anso tatimbangi godang ni asi ni roha ni Debata na tajagit markitehite pamunan na badia i, anso ulang adong na mabiar ro tu jolo ni Tuhan i, tapi di bagasan jop ni roha do hita manjagit haluaon na nipatupa ni Jesus Kristus di hita.

Angke dibagasan Jesus Kristus do dapot hita hangoluan na so ra mantak, jana madung dilehen Tuhan Debata haluaon dohot hasesaan ni dosa di hita.

Barang ise na unduk roha jana na manyolsoli rohana hara ni pambaenanna na so ture, jana na manopoti dosana, jana na porsaya di hasesaan ni dosa na nipatupa ni Tuhan Jesus markitehite pamunan na badia i, dapotan hangoluan dohot hasesaan ni dosa ma ibana, songon na nibagahon ni Tuhan Jesus Kristus. Dibahen i, ro ma hita saonnari tu jolo ni Tuhan i, ulang ma tapangasahon hatigoranta, tapi mangasahon asi ni rohaNa ma, angke barang ise na mangoku dirina pardosa jana manguas di hasesaan ni dosa na nipatupa ni Tuhan Jesus, angka i do na tumbuk manjagit pamunan na badia i.

Harani i ma, diontang Tuhan Jesus Kristus do hita saonnari manjagit pamunan na badia i, ro ma hita mangoku sude dosanta dohot pangalaosionta, jana ulang be taoloi sibolis, ulang be tadatdati mardosa, tapadao ma rohanta sian i, jana tapadao ma hosom dohot late ni roha. Taingot ma tongtong Tuhan Jesus Kristus na dung mate jana mulak mangolu humophop hita.

Dibahen i, tatangkasi ma jolo rohanta be, jana alusi hamu ma sapa-sapa on, rap rim ma hita jongjong !

1.        Diparhatutu rohamu do halak pardosa ho sian hasosorangmu, dohot hara ni pangalaosionmu di tona ni Debata ? Muda diparhatutu rohamu do, dok ma alusmu !

          Alusna : Diparhatutu rohangku do.

2.       Na marsak do rohamu hara ni dosami, jana dipangido ho giot malua ho saonnari sian dosamu ? Muda songon i do dipangido rohamu dok ma alusmu !

          Alusna : Dipangido rohangku do.

3.       Dihaporsayai rohamu do na dung ro Tuhan Jesus Kristus tu tano on pangoluhon pardosa, Ibana na dung mate jana mulak mangolu humophop ho, jana manyesa dosamu ? Muda dihaporsayai rohamu do, dok ma alusmu!

       Alusna : Dihaporsayai rohangku do.

4.       Dihaporsayai rohamu do hata ni Debata na mandok : Roti dohot anggur di Pamunan na Badia on, i ma parhitean ni daging dohot mudar ni Tuhan Jesus ? Muda dihaporsayai rohamu do, dok ma alusmu !

       Alusna : Dihaporsayai rohangku do.

5.       Ra do ho manggotapkon sian nasa rohamu late dohot hosom ni roha ? Ra do ho mardenggan dohot halak na mangarsaki ho, jana ra do ho manyesa dosa ni donganmu, songon na nipangido ni rohamu sesaon ni Debata sude dosamu ? Muda na ra do ho, dok ma alusmu !

       Alusna : Ra do au.

       Tangiang :

Antong tapaunduk be ma rohanta martangiang manopoti dosanta, martangiang ma hita dibagasan rohanta be. (+ 2 menit).

         Ihutkon hamu ma tangiang on dibagasan rohamunu, martangiang ma hita !

        

Ale Tuhan Debata Amanami markitehite Tuhan Jesus Kristus Tuhannami. Halak pardosa situtu do hami, angke jotjot do hami laosi tonaMu, tama do hona uhumMu hami saonnari dohot sogot, muda baloskononMu tu hami pambaenannami i. Tapi hara ni godang asi ni rohaMu dohot holong ni rohaMu markite anakMu Tuhan Jesus Kristus na dung nilehenMu humophop hami, harani i do na puluk hami mangido tu joloMu : asi ma rohaMu jana sai jagit ma hami, sai sesa ma sude dosanami, jana lehen ma Tondi Parbadia tu hami, anso margogo hami mangalo nasa dosa dohot patuluskon sude na hombar tu lomo rohaMu, salolot di tano on dope hami. Amen.

         Rap ma hita martangiang, tangiang : Ale Amanami                                                              

         Ale Amanami na di banua ginjang                                                                                          

Antong, hamu angka na manopoti dosamunu, jana na manguas di asi ni roha ni Debata, sai sahat ma tu hamu na nihaporsayaanmunu. Naposo ni Debata do au mandok hataNa tu hamu : pos ma rohamunu, madung sesa sude dosamunu, markitehite goar ni Debata : Ama, Anakna Tuhan Jesus Kristus dohot Tondi Parbadia. Amen !                        (Juguk ma hamu)

7.                  ENDE

O Jesus na nibunu, di hayu na marsilang ; Rohamu n3 sai burju, haru pe Ho tarkilang Hum hai marutang hosa ; Ho do mananggung dosa Asi rphaMu di hami!

8.        PASAHATKON PAMUNAN :

              Antong tangihon hamu ma tona ni Tuhan Jesus laho pasingkophon pamunan na badia i:

Dibuat Tuhan Jesus ma roti borngin i, dompak na tarjehe Ibana, didok ma tarimakasi, dung i diponggoli asa dilehen ma tu angka siseanNa lalu didok : " Jagit asa pangan hamu ma ! On ma pamatangKu, na nilehen tu hamatean humophop hamu ! Baen hamu ma songon i, baen pamingotanmunu di Au".

Jadi dung sun halahi mangan, dibuat ma panginuman i, didok ma tarimakasi, dung i didok ma tu halahi:" Jagit hamu ma ! Sude ma hamu manginum sian i. la panginuman on padan na imbaru ma on markitehite mudarKu, na durus humophop hamu baen hasesaan ni dosamunu. Sai baen hamu ma songon i, baen pamingotanmunu di Au".

        

         " Antong madung singkop sude ! Ligi jana dai hamu ma denggan basa ni Debata! ro ma hamu !

9.        E N D E    :                                                                     (Lalu mangan Pamunan na badia)

Didok Tuhanta Jesus : Jagit hamu ma on jana pangan ma ! PamatangKu do i na nilehen tu hamatean humophop hamu ! I ma na manjagahon dohot patoguhon rohamunu manghaporsayai Ibana, anso di hamu hangoluan na so mantak.

Didok Tuhanta Jesus : Jagit hamu ma on jana inum ma ! MudarKu do i, na niduruskon humophop hamu, baen hasesaan ni dosamunu. I ma na manjagahon dohot patoguhon rohamunu manghaporsayai Ibana, anso di hamu hangoluan na so mantak! Mulak ma hamu dibagasan dame. Amen.

10.    E N D E    :                                                                                                   (Haul Pamunan)

11.    TANGIANG       :                                  Rap rim ma hita jongjong ! Martangiang ma hita !

Ale Tuhan Debata, Amanami na di banua ginjang, sian nasa rohanami do ro hami mamuji dohot pasangapkon goarMu na badia i, hara ni sude asi ni roha dohot denggan ni basaMu na dung hami jagit.

Ho do na manyesa sude dosanami, Ho do na paluahon hosanami sian hamagoan, jana tongtong do dilehen Ho denggan basa dohot asi ni roha dibaen na mangolu hami lopus tu sadari on. Nada diuhum Ho hami hombar tu pambaenannami, jana nada dibaloskon Ho hombar tu hajahatonnami. Songon asi ni roha ni ama tu angka dakdanakna do asi ni rohaMu di angka na manghabiari Ho.

Madung tangkas dipataridahon Ho holong ni rohaMu tu hami markitehite Jesus Kristus Tuhannami, na dung mangalehen pamatang dohot mudarNia humophop hami hatiha pardosa dope hami. Madung dipadame Ho hami dohot diriMu sandiri, dibaen na bisa hami marhatigoran dohot manjagit haluaon dohot hangoluan na so mantak.

Dibaen i, sai pujionnami ma Ho tongtong ; sai dongani, togu-togu, jana pargogoi ma hami markite Tondi Parbadia, anso marsangap jala marmulia Ho di bagasan parhataan, dohot pambaenannami sian saonnari lopus tu ujung ni ngolunami. Amen !

Mulak ma hamu dibagasan dame, jana jagit hamu ma pasu - pasu sian Tuhan Debata !

       Pasu-pasu :

         " Dipasu-pasu jana dijagahon Tuhan Debata ma ho !

Disondangkon Tuhan Debata ma bohiNa tu ho, jana asi ma rohaNa mida ho ! Diadopkon Tuhan Debata ma bohiNa tu ho, jana dipasaor ma dameNa tu tondimu ! Amen !

12.    E N D E    :                                                                                                  (Lalu marsijalangan)

PAMUNAN NA BADIA GKPA

MODEL"B "

1.                  ENDE

2.                  VOTUM

P       :        Dame   ni   Debata   na   sumurung   sian   sasude   roha,   ima   na manjagahon ateatemunu dohot rohamunu markitehite Kristus Jesus Tuhanta i.        Martangiang ma hita :

        

                            Ale Tuhan Debata Amanami na di banua ginjang, asi ma rohaMu, topot ma hami na lagut dison.

         R       :        Lehen ma Tondi Parbadia di hami, anso ditubuhon haporsayaan na mangolu di hami laho manjagit pamatang dohot mudar ni Jesus Kristus markite parpadanan na badia i, na giot sijagitonnami di hatiha on.

         P + R          :        Amen.

3.        JAMITA   :

4.        ENDE   :

5.                  PANGARADEON DOHOT TANGIANG :                                                        (jongjong sude)

( P = Paragenda , R = Ruas )

P       :        Hita angka na dung niparkamaol ni Tuhan Jesus Kristus. Nuaeng giot panganonta ma parpadanan na badia i mamingot tona ni Tuhan Jesus tu angka siseanNia, taparade ma rohanta manjagit pamunan na badia i.

R       :        Rap tasolsoli jana tatopoti ma dosanta di jolo ni Tuhanta, jana tahaporsayai ma baso hara ni hita do baen na mate Jesus i. Dilehen pamatangNia jana diduruskon do mudarNia baen hasesaan ni dosanta.

P       :        Lomo ni roha Tuhanta do pamunan na badia i. Diparhagiot Tuhanta do hita anso tongtong tajagit i muda masa pamunan na badia di ParlagutanNa, jana anso taingot tongtong songon dia Tuhanta i marsitaonon lopus tu na mate humophop hita.

R       :        Tajagit do pasu-pasu sian Tuhanta markite pamunan na badia i, i ma hasesaan ni dosanta. Tongtong do porlu di hita hasesaan ni dosa,   dame   dohot jop   ni  roha,   anso jeges     parsaoranta, marhasadaon dohot angka donganta di Parlagutan on, di keluarganta be dohot di angka ingananta be.

P       :        Hara ni i ganop halak na mangankon parpadanan na badia i, partohap ma Ibana di pamatang dohot mudar ni Tuhan Jesgs, mur togu ma parsaoranna dohot Ibana.

R       :        Tongtong     ma  taingot   Tuhanta Jesus jana  tajamitahon  me hamamateNia na paluahon sude hajolmaon.

P       :        Muda dung  tajagit annon  pasu-pasu  sian Tuhanta  i  markite pamunan na badia i, talehen ma rohanta dohot pamatangta tu ibana anso Ibana nampuna hita.

R       :             Tongtong ma taihutkon Tuhanta Jesus, taoloi ma hataNia, jana mur badia ma parangenta, i ma tanda hatarimakasion ni rohanta tu Tuhanta i.

         P       :             Tamba ni i, mur marsada jana mur marsihaholongan ma hita sama hita, songon na tama di Parlagutan ni Tuhanta i, angke Ibana do ulunta, ruasNa do hita.

R       :        Dilehen Tuhan Jesus do tona tu hita, mandok:

                   Sian on ma tandaon ni sasude halak na anak siseanKu hamu : muda marsihaholongan hamu sama hamu.

P       :        Antong    tapaunduk    ma    rohanta    manopoti    sude    dosanta, martangiang ma hita : Ale Jesus Kristus Tuhannami, halak pardosa situtu do hami, angke jotjot do hami laosi tonaMu. Tapi madung pos be rohanami na so baloskononMu tu hami hombar tu pambaenannami i hara ni parpadanan na badia i.

R       :        Asi ma rohaMu di hami, sai jagit ma hami, sai sesa ma sude dosanami. Sai pargogoi ma hami mangalo nasa dosa dohot patuluskon na hombar tu lomo ni rohaMu.

P + R       : Amen.

6.        TANGIANG    :   Rap ma hita martangiang, Tangiang : Ale Amanami na di banuaginjang         

Antong hamu angka na manopoti dosamunu, jana na manguas di asi ni roha ni Debata, sai sahat ma tu hamu na nihaporsayaanmunu. Naposo ni Debata do au mandok hataNa tu hamu: Pos ma rohamunu, madung sesa sude dosamunu, markitehite goar ni Debata : Ama, AnakNa Tuhan Jesus Kristus dohot Tondi
Parbadia . Amen !         (Juguk ma hamu)

7.        E N D E    :        O Jesus na nibunu di hayu na marsilang

                                      Rohamu na sai burju, haru pe ho tarkiiang

                                     Hum hai marhutang hosa, Ho do mananggung dosa

                                      Asi rohaMu di hami!

Antong tangihon hamu ma tona ni Tuhan Jesus laho pasingkopkon pamunan na badia i: Dibuat Tuhan Jesus do rati borngin i, dompak na tarjehe Ibana, didok ma tarimakasi, dungi diponggoli asa dipariehen ma tu angka siseanNa, lalu didok : "Jagit asa pangan hamu ma, on ma pamatangKu, na nilehen tu hamatean humophop hamu. Baen hamu ma songon i baen parningotanmunu di Au ! Jadi dung sidung halahi mangan, dibuat ma panginuman i, didok ma tarimakasi, dungi didok ma tu halahi : " Jagit hamu ma, sude hamu manginum sian i. la panginuman on, padan na imbaru ma on markitehite mudarKu, na durus humophop hamu baen hasesaan ni dosa. Sai baen hamu ma songon i, baen parningotanmunu di Au".

Antong ro ma hamu, madung singkop sude ! Ligi jana dai hamu ma denggan basa ni Debata.

8.        E N D E    :                                                                              (Lalu mangan pamunan na badia i)

Didok Tuhanta Jesus Kristus : Jagit hamu ma on jana pangan ma ! PamatangKu do i na nilehen tu hamatean humophop hamu. I ma na manjagahon dohot patoguhon rohamunu manghaporsayai Ibana, anso di hamu hangoluan na so mantak. Amen .

Didok Tuhanta Jesus Kristus : Jagit hamu on jana inum hamu sian i. MudarKu do i, na niduruskon humophop hamu baen hasesaan ni dosamunu. I ma na manjagahon dohot patoguhon rohamunu manghaporsayai Ibana, anso di hamu hangoluan na so mantak. Amen Mulak ma hamu di bagasan dame !.

9.                  E N D E    :                                                                                                         (Papungu Haul)

10.           MARTANGIANG :                                                                                                                                (Jongjong ma hita)

P       :        Martangiang ma hita !

                   Puji ma Tuhan Debata ale tondingku, jala nasa rohangku di bagasan mamuji goarNa na badia i.

R       :        Puji ma  Tuhan Debata ale tondingku, jana ulang halupahon denggan ni basaNa sudena.

P       :        Ibana do manyesa dosamu sudena, jana Ibana pamalum nyaemu sudena.

R       :        Ibana paluahon hosamu sian hamagoan, jana ni lehen tu ho denggan basa dohot asi ni roha.

P       :        Parasiroha jala   pardenggan  basa  do  Tuhan   Debata,   lambat tarrimas jana parasiroha godang.

R       :        Nada dibaen tu hita na hombar tu dosanta, jana nada dibaloskon tu hita hombar tu hajahatonta.

P       :        Songon asi ni roha ni natorasna tu dakdanakna do asi ni roha ni Tuhan Debata di angka na mangkabiari Ibana.

R       :        Madung tangkas dipataridahon Debata holong ni rohaNa i tu hita di na mate i Kristus.

P       :        Antong nada he mur malua ma hita sian rimasNa, dung gabe partigor hita binaen ni mudarNa i ?

R       :        Dibaen i, sai pujion ni pamanganku dohot rohangku dohot nasa pambaenanku do Tuhan Debata, olat ni on ro di salolot ni lolotna. Amen.

P       :        PASU-PASU : Tajagit ma pasu-pasu sian Tuhan Debata.

                   Dipasu-pasu jana dijagahon Tuhan Debata ma ho !

                   Disondangkon Tuhan Debata ma bohiNa tu ho, jana asi ma rohaNa mida ho

                   Diadopkon Tuhan Debata ma bohiNa tu ho,  

                   jana dipasaor ma dameNa tu tondimu, Amen.

P + R :        Amen, Amen, Amen.    ( Diendehon )

11.    MARENDE / MARSIJALANGAN :

       MULAK MA HITA DIBAGASAN DAME DOHOT SONANG

PAMUNAN NA BADIA DI BAGAS

1.                  ENDE

2.                  VOTUM

Dibagasan goar ni Debata : Ama dohot AnakNa Tuhan Jesus Kristus dohot Tondi Parbadia, na manompa langit dohot tano on, Amen !

Didok Tuhan Jesus : "Ro ma hamu tu Au, sude hamu na loja jana na sorat bobanna, Hupasonang pe hamu ! ihutkon hamu ma na Hudok, marsiajar ma hamu tu Au ! Angke na lambok do Au jana na serep marroha, jadi togar ma tondimunu. (Mateus 11:28 - 29)

         Martangiang ma hita !

Ale Tuhan Debata Amanami na di banua ginjang ! Na sangap jana na badia jana parasi roha do Ho. Asi ma rohaMu di hami, jana tatap ma hami, dibaen na marsak do rohanami, jana na loja do hami hara ni dosa dohot hara ni sitaonon na masa di tano on. Na unduk jana na marsak do rohanami hatiha on hara ni parsahiton na ampe tu dongannami on. Dibaen i hum Ho do diarop rohanami sipangasahononnami, sai topot ma hami na lagut dison. Amen !

         ( Pandita ): Ale dongan na nihaholongan ni Tuhan Jesus !

Dipangido rohamu do saonnari giot manjagit pamunan na badia i. Dibaen i, paunduk ma rohamu, jana topoti ma sude dosamu tu Debata, dohot tu donganmu jolma, ulang pangasahon haburjuonmu, anso tumbuk ho manjagit pamunan badia i. Dibaen mangapoi na marsak roha jana na mangalehen gogo tu angka na loja do dilehen Tuhan Jesus pamunan na badia i. Harani i ma, muda marsak rohamu hara ni dosamu, jana dilului ho hasesaan ni dosa i, pos ma rohamu sai na dapot ho do i, angke dohot do ho na nihopkop ni Tuhan Jesus. Ingot ma godang ni na nitaon ni Tuhan Jesus humophop ho, na nionjar ni holong dohot asi ni rohaNa do i. Asa asi ni roha dohot holong ni Tuhan Jesus ma pangasahon, anso tongtong tiur langkamu tu banua ginjang.

3.        ENDE

4.        TANGIANG

Antong paunduk ma rohamu tu jolo ni Debata, ihutkon ma tangiang on di bagasan rohamu     Martangiang ma hita.

Ale Tuhan Debata, Amanami markitehite Tuhan Jesus Kristus Tuhannami! Parasi roha na sumurung do Ho. Ditangihon Ho do angguk-angguk ni na dangol dohot na di bagasan nyae. Diida Ho do sude na masa di haholongannami on. Na ponjot situtu do rohana, hara ni pasang ni nyae na nitaonna di hatiha on. Sai ibo ma rohaMu ale Debata. Sai sesa ma sude dosana, jana ulang tuiakkon ibana sian adopanMu. Lehen ma gogo di ibana, anso sobar ia manaon sanga sadia honoknari padiaronMu ibana di tano on. Antong mangoiu sanga na mate pe ibana sahat tu tanganMu ma tondina. Amen !

5.        SAPA-SAPA:

         Tanda ni sada ni rohamu na giot manjagit pamunan na badia i, alusi ma sapa-sapa on :

1.   Dihaporsayai rohamu do basa hum Tuhan Jesus do na bisa paluahon dohot manyesa dosamu ?

2.                   Na marsak do rohamu hara ni dosamu, jana dipangido rohamu anso malua ho sian dosami ?

3.                   Sian nasa rohamu do ho manyolsoli sude pambaenanmu dohot dosamu jana mangido hasesaan ni dosa sian Tuhan Jesus ?

              Muda songon i do dipangido rohamu, dok ma alusmu !

       Alus : Olo, sian nasa rohangku do au mangido sasude na i!

              Rap ma hita martangiang, tangiang : Ale Amanami                                                          (dohot udutna)

Antong dibaen madung disolsoli ho do rohamu hara ni pambaenanmu na §p tama jana dipangido rohamu asi ni roha ni Debata manyesa dosamu, sai sahat ma tu ho nanipangidomi! Hombar tu hata ni Debata na mandok " Sanga aha na nipangido ni rohamu di bagasan tangiangmu, muda porsaya             hamu, jagitonmunu ma i, sai sahat ma i tu hamu". (Markus 11:24)

             

              Dibaen i, naposo ni Debata do au na mandok hataNa on tu ho :

" Dibagasan goar ni Debata Ama, AnakNa Tuhan Jesus Kristus dohot Tondi Parbadia, madung sesa sude dosamu ".

6.        PANGHOBASION :

         Antong tangihon ma tona ni Tuhan Jesus laho pasingkopkon pamunan na badia i.

Dibuat Tuhan Jesus do rati borngin i, dompak tarjehe Ibana, didok ma tarimakasi, dung i diponggoli asa dilehen ma tu angka siseanNa lalu didok : " Jagit jana pangan hamu ma on, on ma pamatangKu na nilehen tu hamatean humophop hamu". Baen hamu ma songon i, baen parningotanmunu di Au.

Jadi dung sidung halahi mangan, dibuat ma panginuman i, didok ma tarimakasi, dung i didok ma tu halahi : " Jagit hamu ma, sude hamu minum sian i, ia panginuman on, padan na imbaru ma on, markitehite mudarKu, na durus humophop hamu baen hasesaan ni dosa". Baen hamu ma songon i baen parningotanmunu di Au.

7.        ENDE

       ( Pandita )     :      ( Mangalehen pamunan na badia tu na marnyae i dohot tu keluarga na giot dohot marpamunan)

Didok Tuhan Jesus Kristus : Jagit ma on, jana pangan ma ! PamatangKu do i, na nilehen tu hamatean humophop ho. I ma na manjagahon dohot patoguhon rohamu marhaporsayai Ibana, anso di ho hangoluan na so mantak. Amen.

Didok Tuhan Jesus Kristus : Jagit ma on, jana inum ma sian i, mudarKu do i na niduruskon humophop ho baen hasesaan ni dosamu. I ma na manjagahon dohot patoguhon rohamu manghaporsayai Ibana, anso di ho hangoluan na so mantak. Amen !

8.        TANGIANG

Antong tadok ma tarimakasi tu Debata, ihutkon ma tangiang on di bagasan rohamu, martangiang ma hita.

Dipuji tondingku do Ho ale Tuhan Debata, jana dilehen Ho di au arta na sumurung, na sian banua ginjang markitehite Tuhan Jesus Tuhanku. Dipuji tondingku do Ho ale Tuhan Jesus dibaen madung dipadomu Ho au dohot Debata. Nada hami habiari be hamatean, angke madung monang hami manaluhon hamatean. Ibo ma rohaMu ale Debata, sai pahot ma baga-bagaMi di bagasan rohanami, anso mur togu haporsayaannami, jana mararop ni roha na mangolu hami. Haru pe mardalan hami di rura linggoman ni hamatean on Ho do na mandongani hami. Haru pe gabe busuk jana madangke pamatangnami, pangoluonmu do i muse. Jadi dung mulak mangolu hami muse, lalu ma hami maringanan di surgo hasonangan i, Ale Debata, hara ni AnakMu Tuhan Jesus Kristus Tuhannami. Amen.

              Antong jagit hamu ma pasupasu sian Tuhan Debata !

" Dipasu-pasu jana dijagahon Tuhan Debata ma ho! Disondanghon Tuhan Debata ma bohiNa tu ho, jana asi ma rohaNa mida ho. Diadopkon Tuhan Debata ma bohiNa tu ho, jana dipasaor ma dameNa tu tondimu. Amen.

        

         Amen, Amen, Amen !