Renungan hari ini: KETETAPAN ALLAH

Renungan hari ini:

KETETAPAN ALLAH

Pengkhotbah 3:14 (TB) "Aku tahu bahwa segala sesuatu yang dilakukan Allah akan tetap ada untuk selamanya; itu tak dapat ditambah dan tak dapat dikurangi; Allah berbuat demikian, supaya manusia takut akan Dia"

Ecclesiastes 3:14 (NRSV) "I know that whatever God does endures forever; nothing can be added to it, nor anything taken from it; God has done this, so that all should stand in awe before him”

Ketetapan Allah sudah pasti dan final tidak dapat ditambah dan dikurangi. Allah telah melakukan segala yang terbaik dalam hidup kita. Manusia tidak dapat menambah dan menguranginya. Itu sebabnya hidup ini adalah kesempatan yang TUHAN beri kepada kita. Sehebat atau sepintar apa pun manusia tidak dapat melawan atau menahan lajunya waktu TUHAN bagi kita. Apa pun yang terjadi, waktu akan terus berjalan tanpa mempedulikan sikap kita terhadapnya. Semua yang ada di dunia ini dan lamanya kita berada di dunia ini juga dibatasi oleh waktu. Jadi, "Untuk segala sesuatu ada masanya,". Dan selama kita masih hidup di dunia ini kita akan terus berpacu dengan waktu. Seperti pepatah Jawa mengatakan, “Ing ndonya mung mampir ngombe” ,artinya hidup di dunia ini hanya seperti mampir untuk minum. Masyarakat Jawa menyadari adanya realitas kehidupan yang kekal abadi, sesudah hidup yang sebentar di dunia ini. Karenanya jangan kita menyia-nyiakan waktu yang TUHAN berikan kepaa kita.

Semakin seseorang sadar pentingnya waktu akan semakin cermat pula ia merencanakan hidupnya. Dengan kata lain, kesadaran seseorang terhadap waktu akan mempengaruhi tingkat produktivitasnya dan kesungguhannya dalam memanfaatkan waktu. Itulah sebabnya ada nasihat mengatakan: bekerjalah begitu rupa seolah-olah engkau akan hidup seribu tahu lagi dan beribadahlah dengan sungguh-sungguh seolah-olah engkau akan meninggal esok hari. Artinya waktu sangat berharga, jangan menyia-nyiakannya, tetapi gunakanlah sebaik mungkin dengan seimbang yaitu bekerja dan beribadah.

Begitu jatah waktu yang diberikan Tuhan kepada kita habis, usai sudah waktu kita bekerja dan berjerih lelah di dunia ini. Bukan berarti semuanya tamat, justu itulah babak baru dimulai, di mana tiap-tiap pekerjaan yang kita lakukan di dunia akan diuji Tuhan dengan api. Alkitab menulis, "Entahkah orang membangun di atas dasar ini dengan emas, perak, batu permata, kayu, rumput kering atau jerami, sekali kelak pekerjaan masing-masing orang akan nampak. Karena hari Tuhan akan menyatakannya, sebab ia akan nampak dengan api dan bagaimana pekerjaan masing-masing orang akan diuji oleh api itu. jika pekerjaan yang dibangun seseorang tahan uji, ia akan mendapat upah. Jika pekerjaannya terbakar, ia akan menderita kerugian, tetapi ia sendiri akan diselamatkan, tetapi seperti dari dalam api" (1 Kor. 3:12-15). Artinya jika selama di dunia kita mengisi waktu dengan perkara sia-sia, ibarat membangun rumah dari rumput kering atau jerami, maka dalam sekejap semuanya akan habis terbakar. Sebelum segala sesuatunya terlambat, segeralah membuat pilihan hidup yang benar. Tetapi satu hal yang pasti adalah bahwa segala ketetapan Tuhan adalah kekal untuk selama-lamanya

Di tengah hidup yang sementara dan penuh dengan berbagai perubahan, Allah menaruh hasrat yang besar di dalam diri manusia untuk mencari perkara-perkara yang kekal. Lalu apakah maksud Tuhan di balik semua ini? Secara tegas dan jelas Pengkhotbah 3:14 mengatakan bahwa, Allah berbuat demikian, supaya manusia takut akan Dia. Apakah arti takut akan Tuhan? Takut akan Tuhan memiliki pengertian agar kita mempercayai Tuhan dan menghormati TUHAN dalam segala aspek kehidupan. Kita mengasihi dan bersekutu dengan Tuhan. Kita mengandalkan TUHAN dalam segala sesuatu  Kita menjauhi segala kejahatan. Karena itu, lakukanlah yang terbagik bagi TUHAN selama kita masih diberi kesempatan hidup di dunia ini. (rsnh)

Selamat berkarya untuk TUHAN

TATA IBADAH PAMASUMASUON TOHONAN PANDITA GKPA (TATA IBADAH PENAHBISAN PENDETA GKPA)

TATA IBADAH PAMASUMASUON TOHONAN PANDITA GKPA

(TATA IBADAH PENAHBISAN PENDETA GKPA)

1          E N D E   :                                                    ( Ro ma tu jolo na giot manjagit tohonan )

2          TANGIANG

Ale Tuhan Debata Amanami Parasiroha na sumurung. AnakMu do na mangajarhon tu hami ; anso hami pangido tu Ho panyabi na burju sisuruonMu tu sabionMi, manjamitahon hataMu tu hajolmaon. Harani i do dibaen na ro hami saonnari tu adopanMu markitehite Tuhan Jesus Kristus Tuhannami mangido tu Ho : Sai topot ma hami na lagut dison, laho mangampehon karejo hapanditaon tu angka dongannami on. Lehen ma Tondi Parbadia tu halahi angka naung ni pabangkitMu anso malo halahi manjamitahon hataMu gabe marjop ni roha halahi maroban jamita na denggan i, na gabe hamuliaan ni Anak haholongan ni rohaMu. Ungkap jana patorang ma roha ni halahi, anso hot halahi dibagasan Ho, jana tobok roha ni halahi tongtong maniop hataMi dohot mangkaringgaskon parkarejoan na niampehonMu tu halahi. Sai tumpahi ma karejo ni halahi, anso dapotan upa halahi rap dohot na niparmahan ni halahi di hangoluan sogot markitehite Tuhan Jesus Kristus Tuhannami. Amin !

Hamu ale dongan, disuru Amanta na di banua ginjang i do AnakNa Tuhan Jesus Kristus ro tu tano on gabe jolma, anso tarbaen jolma mananda holong ni roha ni Debata di halahi, anso marpos ni roha halahi di Sia jana mulak halahi tu harajaan Mu, jana tola manean hangoluan salolot ni lolotna i. Dung sidung baenon ni AnakNa i di tano on, disorahon ma baenon i tu angka anak sisean i, anso halahi paboahon dohot pasahatkon na nihamonangkonNa i tu donganna jolma.

        

         Tambani i didok Apostel Paulus do :

Dipabangkit Tuhanta do deba gabe apostel, deba gabe panurirang, deba gabe parjamita, deba gabe parmahan, deba gabe pangajari, anso sanggam situtu angka na badia i tu langgaman i. Sian i ma tangkas taboto, Tuhanta Jesus Kristus do na pahotkon Tohonan hapanditaon i.

Mangihutkon hata on, sai dipabangkit Debata do di tonga-tonga ni ParlagutanNa i angka pandita, sian olat ni na dung ojak parlagutanNa i 4\ tan* on, lopus tu saonnari.

3          MAMASA

Basaon ni Ephorus dohot angka Pandita ma : Bege hamu ma saonnan pandok ni Debata taringot tu tohonan hapanditaon i : Mat.28 : 18-20 ; Joh. 21 : 15-17 ; Baenon ni Rasul 20 : 17-35 ; I Tim.3 : 1-7 : II Tim. 1 : 5b.

4          E N D E

Antong ale dongan ! Tohonan na badia do sijagitonmunu saonnari, angke na sian Tuhan Jesus do Tohonan si songon i. Harani i hupaboa jana hupaingotkon ma tu hamu pangalahona laho mangkarejohon tohonan hapanditaon i, anso diboto hamu sanga bia dokdokna.

1.          Jagahon hamu ma arta na sian Tuhan Jesus, songon na nibaen ni parmahan manjagahon habananNia, anso ulang mago. Angke mangampar ruji do hamu taringot tu na niparmahanmunu sogot diadopan ni Tuhan. Angkon gabe sitiruon do hamu ditonga-tonga ni angka na nipasahat tu hamu. Harani i tangkas ma baritahon hamu tu halahi hata ni Debata na tarsurat di angka surat na di Parjanjian na Honok dohot di angka surat na di Parjanjian na Imbaru. Uhal hamu ma sian hata i, poda, apul-apul, sipaingot, pangapoion dohot hata pamincangon hombar tu angka na masa. Songon i do dibaen angka apostel, songon na nidok ni Apostel Petrus : muda adong na marjamita dihatahon ma i songon hata ni Debata. Muda adong barang ise na marhobas, hombar ma i dibaen tu gogo na nilehen ni Debata di sia, anso dapotan hasangapan Debata markitehite Tuhan Jesus Kristus di sasude na i. Siporangon jana sipatuduhononmunu ma sandok poda-poda na maralo tu hata ni Debata. Marroha na lambok ma hamu mamincang angka si pangalo, anso dilehen Debata hamubaon ni roha, gabe diboto halahi hasintongan. Antong jagahon hamu ma dirimunu dohot pariagutan i, sanga tu dia pe hamu dipaojak Tondi Parbadia, anso diparmahani hamu pariagutan ni Debata, na dung nihopkopNa markitehite Tuhan Jesus Kristus. Angkon jamitahononmunu do hata sihaporsayaan i, i ma na nilehen ni Debata padenggankon jolma tu Ibana, angke i do dalan tu hangoluan, dalan tu haubaan ni roha dohot dalan pardamean ni jolma tu Debata. Pardengganan on- ma sipaboaonmunu tu angka na nipasahat tu hamu. Antong gonti ni Kristus do hamu mangelek-elek jana dokkononmunu ma : sai ra ma hamu padengganon tu Debata.

2.          Songon tangkas ni pamodaionmunu di angka na ra tu hadaulaton tu Debata laing songon i ma dohot tangkas ni pamincangonmunu di angka na so ra tu hangoluan, anso ulang adong na mago hara ni na so adong sipaingot, jana ulang marsapata i tu hamu. Ingot hamu ma na tarsurat i: ia ho anak ni jolma madung dipabangkit ho gabe siparmahan Israel, angkon tangihononmu do hata na ruar sian pamanganKu. GontingKu ma ho palumbahon halahi. Muda hudok tu angka pardosa, na tu hamatean no ma ho, hape nada dipalumba ho ibana, nada disosoi ho anso dipauba rohana anso mangolu, na mate do tutu pardosa i, hara ni dosana, tapi sian tanganmu do tungguonKu mudarna. Tapi muda dipalumba ho hian pardosa i, hape nada ra ia paubahon rohana dohot pambaenanna, mate ma ibana tutu dibagasan dosana, tapi malua do anggo tondimu.

3.          Tapi nada hum parkarejoan nangkin na nipasahat tu Pandita. Angke di na giot tadingkonon ni Tuhan Jesus Kristus tano on, jumolo do dipadiri parpambaenan na badia i. Pamunan na badia do na sarupa. Na sarupanari, i ma Pandidion na badia, songon na nitonahonNa i di na giot manaek i la tu banua ginjang. Anso patulusonmunu ma na dua ragam i, jana songon parhobas ni bagas ni Debata ma hamu disi. Tangkas ma pareso hamu, anso hum angka na tama jana na patut i ro tu pamunan, i ma angka na mananda dosana jana na mangarsakkon gabe ra paubahonsa. Ambatonmunu do angka na jungkat, angka na so ra mantak mardosa. Ingotonmunu do : na dipasahat Tuhan Jesus do anak kunci ni banua ginjang tu parlagutanNa i anso dipabali sude na so ra paubahon rohana, angke ninna do : Hulehen pe tu ho anak kunci ni harajaan na di banua ginjang i. Sandok na niuhummi di tano on, niihotan do i dohot banua ginjang, bope sandok na nipaluamu di tano on, malua muse ma i di banua ginjang.

4.          Tamba ni i, reso ma hamu taringot tu na pauli-uli dakdanak songon na dibaen ni Tuhan Jesus. Angke songon on do sanoli didok Tuhan Jesus : Loas hamu ro dakdanak i tu Au, ulang rarang hamu halahi, dibaen di angka na songon i do Harajaan ni Debata. Harani i podahon hamu ma tu halahi pangarimpunan ni hata ni Debata ( Katekhismus ) dohot jamita tu angka dakdanak. Togu-togu hamu ma halahi marhadaulaton tu Debata jana marhapantunon tu jolma. Ambat hamu ma na giot hamamago tu halahi, di baen siparmahan do hamu, songon na nidok Tuhan Jesus : Parmahani hamu ma angka anak ni biri-biringKu.

5.          Jagahon hamu ma nasa pariagutan i, angka ama, ina, naposo bulung bope angka na mabalu, maniru pambaen ni Apostel Paulus. Dibaen songon didok tu halak Efesus : Harani i jago ma hamu, ingot hamu ma na so marpansadian au tolu taon honokna arian dohot bomgin paingotkon hamu dibagasan ilu-ilu ni matangKu. Tangiangkon hamu ma sude na nipasahat tu hamu, anso dijagahon Tuhan Jesus halahi jana dipasu-pasu markitehite Tondi Parbadia.

6.          Tamba ni sasudena i, denggan ma parangemunu, anso tarbaen gabe sitiruan hamu di na niparmahanmunu, di hata, pangalaho, haporsayaan dohot holong ni roha. Ingot hamu ma tongtong na nidok ni hata ni Debata : Anggo Pandita angkon ulang tarsinsal, halaklahi ni sada dadaboru do, ulang parmabuk, lata rohana, denggan parangena, jop rohana marbayo, na malo mangajari : ulang parminum tuak, ulang parbada, na so mangulului labo di dalan na geduk, tapi lidang do rohana, na so mambaen salisi, jana na so marimpol roha di sere. Na malo mangarajai dongan sabagasnia, denggan mardakdanak, na mangoloi ibana, dohot sude pantun ni roha.

          Angke muda adong barang ise na so malo mangarajai pangisi ni bagasna, songon dia dehe tarbaen ia manyarihon pariagutan ni Debata ?

7.          Angkon renta baenonmu ruhut ni parkarejoanmunu mangihutkon aturan ni indukmunu. Sahata saoloan ma hamu dohot angka dongan Pandita : Dipangalaho ni pangoloion tu Debata, ulang paasing-asing pikiran, ulang marsalisi di hata dohot di roha, ulang marsijehean, anso tulus dumping hamu na nipangido ni Tuhan Jesus sian Amana di na nidokNa i : Sai jagahon ma halahi di bagasan goarMu na nilehenMi di Au, anso sada halahi songon hita.

5          E N D E

Antong madung dibege hamu hatontuan taringot tu Tohonan Hapanditaon songon na nipatorang ni hata ni Debata.

        

         Na manyapai ma au nuaeng tu hamu :

1.      Dioku jana diparhatutu rohamu do : Angka surat na di Parjanjian na Honok dohot di Parjanjian na Imbaru, i do hata ni Debata na patuduhon dalan tu hangoluan na so ra mantak i, jana na ra do ho mangambungkon poda na asing-asing dohot mangalo nasa na maralo tu hata na tarsurat disi.

Alusna :    Diparhatutu rohangku do na hata ni Debata do i, jana aloonku do nasa na so mardomu tusi.

2.      Na ra do ho mangkarejohon na nipangido di Tohonan Hapanditaon i songon na nipatubegehon nangkin, i ma taringot tu poda dohot pangalaho, jana na ra do ho mamparateatehon hata sipaingot na sian indukmu di hatihana?

          Alusna :    Parate-atehononku jana patulusonku ma i.

         

          Antong na jongjong do hamu saonnari di adopan ni Debata dohot parlagutan on. Muda na dung sada situtu rohamunu manjagit Tohonan Hapanditaon i, jana na ra do hamu patuluskonsa sian sandok rohamunu, dok hamu ma :

              Na ra do au, sai didongani asi ni roha ni Debata ma au patuluskon sasudena i.

6          E N D E :

7          MAMASU-MASU :

Ephorus mandok : Hupabangkit jana huiasi ho gabe Pandita di Gareja Kristen Protestan Angkola markitehite goar ni Debata Ama, Anak dohot Tondi Parbadia. Dipatiur, dipargogoi jana ditogu-togu Tuhanta i ma ho markitehite Tondi Parbadia mangkarejohon Tohonan Hapanditaon i, anso gabe parkarejo na burju ho, na marbatuhon parbatu na denggan ro di salolot ni lolotna. Dipasingkop Tuhan Debata ma ho tu parkarejoan i, patuluskon na domu tu hataNa, markitehite Tuhan Jesus Kristus sipasangapon i, lopus tu na salolot ni lolotna. Amen !

8          E N D E :

9          TANGIANG :

Ale Tuhan Debata Amanami na di banua ginjang ! Sasada Ho do na tuk pasanggamkon angka naposoMu sisuruanMu tu parkarejoan di harajaanMi. PangalehenMu do di huaso dohot hamaloon, anso patar jana mur timbul baenonMi.

Harani i ma umbaen na ro hami markitehite Tuhan Jesus Kristus Tuhannami mangido tu Ho:

Torangi ma angka roha ni naposoMi. Iring-iring ma halahi markitehite tanganMu na badia i.

Parmaloi ma haiahi mangkarejohon Tohonan na nipasahatMu sadari on tu haiahi anso denggan parkarejoan i di pariagutanMu jana mur rarat harajaanMu tu sude portibi on.

Sai lehen ma TondiMu na badia i mangajari dohot manogu-nogu haiahi anso tartogu haiahi donganna jolma tu panghopkopon ni AnakMu markitehite mudarNa na badia i, gabe bolkas tu Ho, anso rap hami di hasonangan sogot i pasangapkon Ho di bagasan Tuhan Jesus Kristus Tuhannami. Amen!

10      ENDE :

11              MANDOK HATA :     -      Utusan Pandita

                                    -      Utusan Majelis Pusat

                                    -      Utusan na dung manjagit Tohonan

12      ENDE :

13      TANGIANG / PASU-PASU :

rasenaha'18

TATA IBADAH PAMASU-MASUON TOHONAN GURU PARLAGUTAN PARJAMITA INA / DIAKONES *) (TATA IBADAH PENAHBISAN GURU JEMAAT/BIBELVROW/DIAKONES DI GKPA)

TATA IBADAH PAMASU-MASUON TOHONAN GURU PARLAGUTAN

PARJAMITA INA / DIAKONES *⁾

(TATA IBADAH PENAHBISAN GURU JEMAAT/BIBELVROW/DIAKONES DI GKPA)

1          E N D E    :                                                                         (Jongjong na giot pasu-pasu on)

2                     SIPAINGOT   : Hamu dongan sahaporsayaan di bagasan Jesus Kristus !

Dihaporsayai rohanta do basa Tuhan Debata do na pabangkithon di Parlagutan i na gabe : Apostol, Nabi, Parjamita, Pangajari, laho pasingkophon halak na marhabadiaon tu karejo panghobasion di Parlagutan ni Tuhanta. Sudena halahi manjagit hagogoon ni Tondi Parbadia na ro tu halahi, anso gabe saksi ni Jesus Kristus halahi mulai sian Jerusalem tu Judea, tu Samaria lopus tu ujung ni portibi on. Jadi dibolus halahi ma sude huta laho manjamitahon dohot mamaritahon Jesus tu sude bangso jana pamalumkon angka na marnyae di sude inganan dohot huta. Martangiang do Parlagutan i tu Debata hatiha pasahatkon halahi tu karejo hasaksian dohot panghobasion i. Sadalan tusi ma, hatiha on jongjong do di jolo ni Parlagutan on donganta na giot pabangkiton gabe partohonan Guru Parlagutan / Parjamita Ina / Diakones di Gereja Kristen Protestan Angkola. Dipangido halahi do pasu-pasu sian Tuhanta, anso margogo halahi di sude karejo pelayanan na dipasahat tu halahi di Parlagutan i. Anso sada roha ni halahi sadari on manjagit tohonan i, dohot ma hita manangiangkon halahi, anso dipargogoi Tuhanta halahi markitehite Tondi Parbadia di sude karejo dohot panghobasion ni halahi di Parlagutan i.

3          SIPAINGOT     :                                                                             (tu na giot pasu-pasuon )

Hamu dongan na giot pabangkiton gabe partohonan Guru Parlagutan / Parjamita Ina / Diakones di Gareja Kristen Protestan Angkola. Hatiha so dipasahat dope Tohonan i tu hamu, tangihon hamu ma hata ni Debata na gabe ojahan di hamu mangkobasi di Parlagutan ni Tuhanta i, didok do : " Antong jagahon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma Parlagutan ni Tuhan   i,   na   nibaen   gabe   nampunaNia   markitehite   mudarNia   sandiri".

( B.Apostol 20 : 28 ).

Antong, na gabe pangarimpunan ni tugas panghobasionmunu na dipasahat tu hamu sadari on, i ma :

         *) Dipili ma na hombar tu karejo na dipatupa

1                       Parkarejo na martohonan do hamu na mangurupi Pandita, laho manogu-nogu dohot mamnahani ruas ni Parlagutan di Gareja Kristen Protestan Angkola. Dibaen dongan sakarejo ni Pandita do hamu, asa ringgas ma hamu manjamitahon dohot mamaritahon hata ni Debata na tarsurat di Parjanjian na Honok dohot Parjanjian na Imbaru tu sude jolma na di portibi on.

2                       Dibaen Guru Parlagutan / Parjamita Ina / Diakones do hamu di pariagutan i, angkon sian nasa rohamunu dohot gogomunu do baen hamu manghobasi di Parlagutan i laho mangajari, marmahani dohot pangoluhon partondion ni sude dakdanak, naposo bulung, ina, dohot ama.

3                       Jana angkon togu-toguonmunu do halak na so mananda asi ni roha ni Debata dope, anso dohot halahi mananda dohot manjagit hangoluan na sian Tuhan Jesus Kristus.

4                       Na gabe tiruan ma hamu di Pariagutan i dibagasan haporsayaan, hoiong ni roha, di parkataan dohot di sude pambaenan na denggan i.

4          E N D E :

5                     SAPA-SAPA :

Madung tangkas dibege hamu taringot tu Tohonan dohot tugas pelayananmunu di Parlagutan ni Tuhanta. On pe, giot botoonnami do burju ni rohamunu dohot sada ni rohamunu manjagit dohot mandalankon Tohonan Guru Parlagutan / Parjamita Ina / Diakones na dipasahat tu hamu sadari on, antong alusi hamu ma sapa-sapa on :

1                       Dihaporsayai rohamunu do basa Tuhan Debata do mamuldit dohot na marsuru ho gabe Guru Parlagutan / Parjamita Ina / Diakones di Pariagutan i ?

2                       Ra do ho mandalankon sude tugas panghobasion i sian nasa rohamu hombar tu na nipangido ni hata ni Debata di jolo ni Debata dohot di jolo ni jolma ?

3                       Ra do ho manghangoluhon dohot manghaburjuhon jana mandalankon tohonanmi dohot poda ni Tuhan i jana mamarangehon sian nasa gogomu anso tulus karejomu gabe parbarita na uli ?

4                       Ra do ho mamparateatehon sipaingot sian indukmu di hatihana ?

Muda na dung sada do rohamu mangoku jana marpadan giot mandalankon sudena tugas pelayanan i, dok ma alusmu di jolo ni Debata dohot di jolo ni Parlagutan on.

         ( alus ni na giot pasu-pasuon )

"Na porsaya do au, jana na marpadan ma au, na ra do au mandalankon sudena tugas panghobasion i, sai dipargogoi asi ni roha ni Debata ma au patuluskon sudena i".

Sadalan tu pangokuonmunu na gabe padanmunu tu Debata, antong hupasahat ma tu hamu Tohonan Guru Parlagutan / Parjamita Ina / Diakones di Gareja Kristen Protestan Angkola.

6          PASU-PASU :

"Dipasu-pasu jana dipabangkit Tuhan Debata : Ama, AnakNa Tuhan Jesus Kristus dohot Tondi Parbadia ma ho gabe : Guru Parlagutan / Parjamita Ina/ Diakones di Gareja Kristen Protestan Angkola, sai dipargogoi jana diparrohai Tuhan Debata ma ho mandalankon Tohonan na dipasahat tu ho sadari on baen hasangapon ni Debata ". Amen !

(Dung sidung, jongjong na tarpasu-pasu adop Parlagutan i dungi didok na manguluhon i ma )

Hamu sude dongan sahaporsayaan na di Parlagutan ni Tuhanta, anso rade ma hita manjagit dohot mangurupi donganta on di tugas panghobasionna di Parlagutan i, jana sude ma hita manangiangkon halahi, anso dipargogoi Tuhanta halahi jana anso gabe hamuliaon ni Debata panghobasion ni halahi di Parlagutan i.

7          TANGIANG      :                                                                                Martangiang ma hita !

Ale Tuhan Debata, Amanami na di banua ginjang, tarimakasi ma hami sombahon tu adopanMu, dibaen dipuldit jana disuru Ho do dongannami on gabe parhobasMu di PariagutanMu di GKPA. Dongani jana pargogoi ma halahi markitehiteTondiMu, di napararatkon harajaanMu halahi tu sude jolma, anso gabe saksiMu na sintong halahi, na burju mandalankon tohonanna. Pasu-pasu ma karejo ni halahi anso mur rarat harajaanMu jana mur bahat na ra porsaya tu goarMu. Tangihon ma tangiangnami on markitehite asi ni rohaMu di bagasan goar ni AnakMu Tuhan Jesus Kristus Tuhannami. Amen !

        

         ( Mandok hata utusan ni na tarpasu-pasu i)

8          E N D E :

9                     AGENDA PANUTUP :

 rasenaha'18